الرئيسية
أحدث الصور
دخول
التسجيل
lolo_82اميره حيويه- رقم عضويتك : 4722
عدد المساهمات : 111
الاوسمه :
لكل اميرات المنتدى عاملين ايه بجد وحشتونى جدا
وبقالى فترة مشغوله ومش عارفة ادخل اشوف اخباركم يارب تكونوا كلكم بخير
انا انهردة جالى على الميل الشخصى بتاعة الرساله دى وحبيت انقلهالكم يمكن تكون خطوة ايجابيه علشان ندافع عن نفسنا من المواقف اللى بنتعرض ليها هسيبكم مع الرساله تقروها
ودى الرساله
إزيكم يا بنات؟؟؟ يارب تكونوا بخير وكلة تمام
كنت عاوزة أكلمكم عن موضوع
احنا كلنا اما بننزل ...الشغل...نشترى طلبات ...خارجين عادى... بتتعرضى انك تتعاكسى او فى حد ممكن يقول كلمة ...يبصلك بصه مش تمام... ممكن كمان اللى يخبطك... بالذات العيال الصغيرين او اللى بيبقوا بيمسحوا العربيات دول ...بتييجى معدية من جنبهم ويعنى يارب تعدى على خير...لأن ده هيخبطك ويجرى
مش ده بيحصل معانا كلنا؟؟
هل ده بيفرق بين بنت لابسة محترم وللا لابسه مش محترم؟
يعنى ممكن كان فى أوله خالص كان بيقولوا البنات لابسين وحش...بس دلوقتى احنا كلنا بنتعرض للموضوع ده طول مااحنا رايحين جايين
لحد ما مصر بقت الأولى عالميا فالتحرش الجنسى
أنا دخلت فى فريق اسمه فريق خريطة التحرش الجنسى
http://harassmap.org/
فكرة الخريطة انك لو اتعرضتى لأى موقف بايخ فالشارع ...إعملى ريبورت على الموقع ...أو ابعتلنا او كلمينا على رقم التليفون :0169870900
أو على الإيميل: info@harassmap.org
الفكرة ان البلاغ اللى بتعمليه مش بيبقى فيه اى معلومات عن شخصيتك او انتى مين
مجرد قوليلنا انتى حصللك ايه وف شارع ايه
بحيث بتظهر الواقعة دى على الخريطة زى مانتوا شايفين على الموقع
احنا ممكن نقدملك ايه؟؟
اولا: لو محتاجه تتكلمى عن اللى حصل ...يبقى احنا ممكن ندعمك فى ده
ثانيا: لو محتاجه دعم نفسى ممكن نبعتك لدكتور
ثالثا: لو محتاجه تبلغى احنا ممكن نقوللك ايه الخطوات
صدقونى الموضوع مش تافه ولا صغير ...يعنى فى بنات بيجرى ليها حاجات اكبر بكتير من كلمة تتقال فى ودنك وانتى معدية
وبعدين حتى لو كلمة ...هو ليه الموضوع يبقى تافه ؟؟؟ مانا لازم اخللى اللى بيقول الكلمة دى ياخد جزاؤه ويحرّم
والله القانون فيه مواد تعاقب عقاب شديد على التحرش ده ...بس احنا اللى بنسيب حقنا
انتوا فاكرين حكاية البنت اللى سواق معدى شدها من مكان حساس كده ومسكته وبلغت ...اخد 3 سنين
طيب فايدة الخريطة ايه؟؟
أولا: احنا منها ممكن ناخد معلومات عن شوارع واماكن مننزلش فيها متاخر ...او مننزلش فيها لوحدنا
ثانيا: أما المعلومات تكتمل عندنا ان شاء الله هنقدر اننا نودى الخريطة دى للشرطة ويخدوها كإسترشاد للأماكن اللى محتاجه تكثيف أمنى أكتر
الخريطة بالنسبة للقاهرة فيها بلاغات كتير ...وتقدروا تدخلوا كمان على جزء التقارير وتقروا اللى البنات باعتينه
المنصورة بقى فيها لحد دلوقتى حاولى 4 بلاغات
صدقونى كل حاجه فى بدايتها بتبان صغيرة لكنها بتكبر بالناس اللى مؤمنين بيها
المشروع ده بدأ من شهر أكتوبر كان بيتا...لكن بدأ رسمى من شهر 12
الموضوع مهم بجد
لو عندكوا اى اقتراحات او تعليقات انا ان شاء الله أحب أسمعها
دلوقتى انتوا قريتوا الرساله يا ترى ايه رأيكم
كليوباتراملكه المنتدى- رقم عضويتك : 1
عدد المساهمات : 84033
الاوسمه :
العمل/الترفيه : طبيبه اسنان
مش عارفه معتقدش انى ممكن اتكلم ربنا ميجيب قلق ولا حد يضايقنا ابدا ويهدي شباب المسلمين جميعا
CENDRELAاميره رائعه- رقم عضويتك : 16298
عدد المساهمات : 381
الاوسمه :
انا هتكلم وهبلغ شكرا يا قمر
- lolo_82اميره حيويه
- رقم عضويتك : 4722
عدد المساهمات : 111
الاوسمه :
انا كمان يا كليوباترا معتقدش انى ممكن اتكلم بس ممكن نقول لو فى مكان يخوف نقولهم على المكان دة علشان نحافظ على بعض وربنا يستر علينا ويهدى كل الشباب يا رب لما يحب ويرضى وميرسى ليكى يا بسكوته وربنا يحفظنا كلنا
Ranonاميره جديده- عدد المساهمات : 24
الاوسمه :
wana m3aki bg el mo3ksat de ba2et 7aga 2raf awe y3ni msh 3ala elkalam w bas fe 7agat aktr mn kida bkteer bt7sl fe nas bt2ol kalam ydaye2 w alfaz minf3ash tt2al w fe elshabab elhobl eli byo2afo y2olo ya moza wel7agat elhabla de bas law kol wa7ed e7trm nfso el bld htzbt shwaia
- emy ghanemاميره فضيه
- رقم عضويتك : 9301
عدد المساهمات : 4032
الاوسمه :
الموضوع حساس بس برضه مهم انك مش تسيبى حقك يارب استرها معانا يارب
صلاحيات هذا المنتدى:
لاتستطيع الرد على المواضيع في هذا المنتدى