انا قربت اتجنن حد يساعدنى

لا يا بوسي استني مشمشه علشان هي اللي بتجيب الشرح من مواقع موثوقه باذن الله ترد عليكي هي اللي مختصه ومحدش بيفسر غيرها علشان الافتاء في الاحلام لا لا مش صح بس خير باذن الله ولو حلم اضايقتى منه متحكيهوش خالص خالص واستعيذى بالله من الشيطان الرجيم وانسيه نهائي بس ان شاء الله خير

ميرسي يا قمر اوى ليكى هستناها
وهو حلم غريب اوى حسيت انو رمز او حاجه
نفسي افهم بس ...
ونعم بالله
شكرا ليكى

منوراني يا بوسي يا قمر
سوري جدا علي التاخير بس كان غصب عني
بصي يا قمر
ده الي انا لقيته بخصوص حلمك
إذا حلمت بقص شعرك إلى درجة قريبة من جلدة الرأس فإن هذا يدل على أنك سوف تكون سخياً إلى حد التبذير تجاه صديق وسوف تكون نتيجة ذلك اقتصاداً في الإنفاق.
وده المصدر يا قمر

http://dreams.aljayyash.net/dream-2783/
ويارب اكون افدتك
ومنوراني دايما وتفائلي خير يا حبيبتي متقلقيش
خير ان شاء الله

شكرا بجد مش عارفه اشكرك ازاى
شكرا ربنا يباركلك
اصل كنت قريت ان معنى كدا فى خطوبه او جواز هيبوظ

لا يا حبيبتي مفيش حاجه من دي حتحصل باذن الله
وان شاء الله يتمملك علي خير وتبقي احلي عروسه
نورتيني يا حبيبتي

مبروك حبيبتى وربنا يتمملك بخير ومتخافيش والحمدلله ان مشمشه طمنتك

يا مشمشه بما إنك ليكي فى تفسير الأحلام....ربنا يجازيكي خير تساعديني أعرف معنى حلمي اييييه لأنه برضه قالقني جدا....
ومش فاهمه معناه....وكان حقيقى لدرجه انه أثر على موودي طول اليوم
حلمت خير اللهم يجعله خير اني فى كنيسه كبيرة جدا..وشوفت السقف بتاعها كان كله رسومات زي رسومات كنيسة مايكل انجلو كده....الغريب بقه انى فى الحلم الرهبان فيها كانوا بيعدوني اني ابقى راهبة ولبسوني اللبس بتاعه الإحتفال ده ..وكان زي عبايه سوده طويلة وعليها من الأطراف نقوش ملونه بالطول بتاع العبايه وواقفه عن المدبح وهما بيوضبولي لبسي..انا مش فاهمه ده معناه ايه مع اني الحمد لله مسلمه وموحده وبصلي...لو تقدر تساعديني يبقى جزاك الله خيرا....

حاضر يا حبيبتي من عينيه
بس لو كنتي عكلتيه في موضوع لوحده كان يبقي احسن يا قمر
حاضر انا بجيبلك التفسير حالا