عملت امبارح سمنة بلدي

ازيكوا يا أميرات دي طريقة شفت ماما بتعملها وحلوة اوي جربتها لاول مرة ونفعت لأنها سهلة وكلنا نقدر نعملهاكل ما بشتري لبن اغليه واسيبه في الثلاجة وبعد ما يتكون وش اشيله في حافظ طعام لحد ما يتملي للاخر كل طبقة كنت برش شوية ملح صغيرة عشان الوش ده ما يبظشوبعدين تجيبي الوش ده في حلة وتضعيها على نار هادئة خالص وتنسيه 3 ساعات تقريبا تلاقي طلع زيت عالوش وتحت المورتة او العجوزةبصب الزيت في برطمانات واضعها في التلاجة يجمد ويبقى سمن بلدي والمرتة بضعها في حافظ ونأكلها تحفة

طريقه حلوه قوى و سهله فعلا تسلم ايدك
بس هو مش المفروض اننا نقلبها بأستمرار وهى على النار

اه فعلا ماما بتعملها كده وتحفه والمرته بتبقي تحفه تسلم ايديكى بجد ربنا يبارك لك يا رب

لا مش بنقلبها باستمرار تابعيها وان حسيتي انها هتتحرق قلبيها

تسلمى ياسكر جميلة وسهلة خالص

اها فعلا ماما بتحوشها وترش عليها ملح
تسلمي

تسلمى يارورو فعلا ماما كانت بتعملها تسلم ايديكى

بالجد هى حلوة خالص انا ماما بتعملها

انا اول مرة اعرف كدا ياام يوسف تسلم ايديكى انا هجربها