بطاطس بشكل تاني

هنجيب بطاطس ونسلقها بس بلاش نهريها يعنى 4/3 سوى وبعدين نقطعها مكعبات ونحمرها فى زيت غزير او سمن على زيت زى ما بتحبى تحمرى وبعدين نطلعها على ورق نشاف لغاية اما الدهون تروح منها وبعدين فى حلة بقى يا حلوات يا قمرات نحط ثووووم مفروم ونقلية فى معلقة او معلقتين سمن بلدى ( حسب كمية البطاطس ) واول ما الثوم يصفر انزل علية بمكعبات البطاطس المحمرة دى واطفى النار علشان الثوم ما يتحرقش وطعمة هيبقى مر لو اتحرق واحط بقى الشطة والملح والفلفل واهم حاجة فى الوصفة دى الكموووون والخضرة ايلى تحبيها يعنى بقدونش مفروم او كسبرة خضراء وبالف هنا وشفا يارب ليكم كلكم

فكره حلوه وانشاء الله هنفذها عشان الشباب الي عندي بيموتوا في البطاطس

وصفه حلوه بجد والاطفال هيحبوها هجربه تسلم ايديكى يا ام يوسف ربنا يكرمك يارب