سيره الجواز بتطبق على انفاسى

اولا انا احب اعتزر عن اى حد بيقدر الجوازوالحياه الزوجيه
وهيزعل ويتضايق ويتنرفز وهوا بيقرا الموضوع ده لانو بيقدر الزواج
بس دى حاله وبقت منتشره ولازم نتكلم فيها كتير هما البنات الى بيحلمو يتجوزو ويتخطبو ويحبو ويتحبو وكتير منهم كمان من كتر شغفها بالموضوع بتتسرع وبتخش قصص حب على امل انها تنتهى بزواج مثلا؟
لكن ظهرت هناك مجموعه كده من البنات ومخبش عليكم يرفعون شعار
"( الزواج شر لابد منه)"
يعنى احنا متفقين اولا انو مفيش حاجه هتبقى حرام من الاول ولا اننا هنتحرر مثلا زى الاجانب ونعمل الى فى دماغنا
لكن
ونحط تحت لكن دى عشرين شرطه
وهى الموافقه على الزواج اوالخطبه على مضض
وده موش عشان العريس موش عاجبها مثلا لاء
المشكله بقت فى الزواااج نفسو
اصبح الزواج كالقدر لانستطيع ان نفر منه وايضا هو لايترك لنا ما نحب مثل الجراد اصبح ياخذ الاخضر ويترك اليابس

مى 26 تعمل فى خدمه المبيعات:
مى:بوصى هوا الزواج كويس بس لما انا هتجوز اكيد حياتى وطموحى هيقفو على خدمه راجل وعيال
انا:ومالها خدمه الراجل والعيال مهى زى الفل وغيرك عملوها كتير وله انتى على ايدك نقش الحنا
مى:لا يا بنتى موش كده هقولك بصراحه الجواز موش راجل وست وعيال وبس ولو كان كده مكنت اتجوزت من بدرى بس بقت العمليه صعبه جدا انا لو اتجوزت واحد بيقبض نفس مرتبى موش هنعرف نعيش وان حبينا نخلف لنا عيل
هنموت من الجوع
انا:مكل الناس بتتجوز وتخلف وعايشين زى الفل
مى: بزمتك وضميرك
اعتراضى موش على الجواز منا كده كده هتنيل بس انا عاوزة اعيشلى يومين قبل الهم ده مهو انا بردو انسان والى بيحصل تحت مظله الجواز ده موش آدمى خاللص


محمد25 سنه يدرس فى التعليم المفتوح ويعمل فى شركه شحن:
محمد :بوصى الزواج ده نص الدين وكل العفه انا عن نفسى نفسى اتجوز انهرده قبل بكره عارفه انا من كتر ما بخطط ازاى هتجوز وافتح بيت نسيت ازاى هتجوز وافتح بيت
انا:علل يا ابو حميد
محمد :انا بشتغل وبدرس فى نفس الوقت عشان اكسب وقت ليا اصلا العمر معدش فيه بقيه عشان ادرس سبع سنين وانزل تمرين فى شركه سنه واتعين فى خمسه واموت واترحل على القرافه
انا بعمل تسعتلاف حاجه فى نفس الوقت عشان ربنا يكرمنى واخلص بدرى بدرى واتجوز زى باقى الناس
بس واللهى انا نسيت موضوع الجواز ده خااااااالص فى وسط الدوامه دى كلها
انا:يا عينى

مروه29 سنه تعمل مهندسه :
مروه: آآآآه اسئلتك بتيجى على الجرح
انا: معلش بقى كاس وداير على الكل
مروه:بوصى علشان تبقى انسان محترم هتدفع كتيير اوى من وقتك ومن اشياء مهمه جدا فعلا الزمن ده صعب قوى موش هقولك انا كنت ناسيه نفسى فى الدراسه وبعدها الشغل وكده بس انا فعلا اخترت اخترت متعه الشغل والعمل لان بكل بساطه كتير من الرجاله مبيحبوش البنت الى بتشتغل وليها رئى وليها طموح وحتى لو حبوها هيحبوها من بعيد لبعيد اعجاب وبس
انا موش ضد منظومه الجواز لاء خالص ولا هتكلم على مشاكل الجواز بس مبقاش فى رجاله حكماء دلوقتى كلهم انانيين ومطلوب من الواحده تضحى وبس
انا: موش شايفه انك سلبيه شويه
مروه:انا شايفه انو عندى 29 سنه وعاشرت وشفت ناس اكتر منك بكتييير وشفت فيهم العيب ده بس عارفه
انا:هاه؟
مروه: حتى لو قلتيلى انتى ممكن تستحملى ’فكرك من الرحمه انو يكون ليا حق الاختيار والرفض فى اى شىء فى الحياه الا الزواااج؟لازم اتنازل فيه!!!!!!



خالد30 سنه يعمل فى كندا:
انا لو هتجوز هتجوز واحده اوربيه او امريكيه عشان هى ليها طوح وليها حياتها الخاصه واللغه الى بينى وبينها هتكون لغه محبه وتفاهم وثقه موش لغه عيال وفواتير وغسيل وامك واختك؟!!!!
انا:ومتجوزتش ليه اجنبيه؟
خالد: خايف



شيماء27سنه لاتعمل:
بوصى انا نفسى اتجوز بس موش فى البلد دى لانو انا موش عايزه ولادى يتعزبو قولى انا خلاص راحت عليه
انا:راحت عليكى؟دى الاجانب بيقولو الحياه تبدأ بعد الستين وانتى بتقولى خلاص راحت عليه؟
شيماء:اه لانو عندنا كل حاجه بتنتهى موش بتبتدى
شيماء و خالد و مروه ومحمد و مى(فى نفس واحد):سيره الجواز بتطبق على انفاسى ممكن تخرسى شويه بقى وتقفلى السيره دى!!!