عايزة تفتحي لون ايديكي تعالي اقولك

شمع عسل النحل.. لترطيب وتفتيح الإيدين
الماسك ده مفيد جداً لترطيب الإيدين المرهقة اللي بتتعرض لعوامل خارجية كتير بتأثر عليها وعلى نضارتها، من غسيل الأطباق وتحضير الأكل وكمان الجفاف اللي بيسببه فصل الشتاء للبشرة..

ودلوقتي هنعمل مع بعض ماسك هايل جداً للعناية بالإيدين..



ومكوناته عبارة عن:

· قطعة متوسطة من شمع العسل

· ملعقة زيت لوز حلو

· ملعقة زيت ورد


الطريقة:
حطّي شمع العسل في حلة سخنة على النار، وسيبيه على النار لمدة كام ثانية مع التقليب، وبعد كده ارفعي الحلة من على النار، واستمرّي في التقليب لغاية ما تحسي إن شمع العسل ذاب تماماً وبقى غليظ شوية، وبعد كده ضيفي زيت اللوز الحلو وزيت الورد، واستمري في التقليب علشان تتأكدي إن كل المكونات تجانست تماماً مع بعضها، وبعدين صبّي الخليط في برطمان زجاجي، واحتفظي به في الثلاجة.

والماسك ده أساساً للإيدين؛ لكن ممكن تستخدميه كمان لبشرة الجسم كله، بس تستخدميه بعد الحمام على طول؛ بحيث إن البشرة تكون مبلولة، وممكن تستخدميه كمان على الكوع والركَب وكعب القدمين، وبتسيبيه على بشرتك لمدة ساعة أو اثنين، وبعد كده تغسلي بشرتك بميه عادية، وبجد هتلاقي نتيجة حلوة جداً، وهتحسي إن بشرتك لونها بقى أفتح وكمان فيها نضارة.



الجلسرين وماء الورد.. لإيدين ناعمة
هنعمل ماسك تاني للإيدين، ومكوناته بسيطة ومتوفرة عند أي عطار..

المكونات:

· 8 ملاعق ماء ورد

· 3 ملاعق جلسرين

· 3 ملاعق كحول "من أي صيدلية"

· ملعقة كبيرة عصير برتقال

· عصير نصف ليمونة

· ملعقة كبيرة خل تفاح


الطريقة:
اخلطي كل المكونات دي مع بعضها، وصبّيها في برطمان زجاجي أو أي زجاجة برفان قديمة عندك، وسيبيه على إيدك لمدة ساعة أو لغاية ما ينشف، وبعد كده اشطفيها بالميه العادية

,وهتلاقيها حرير :flower:

تسلم ايدك يارب انا اول ما قرأت العنوان قلت واحنا مش بنفتحها ليه هخليه تفتحي لون ايديكي

هههههههههههههههههه من نفسها بارضوه دايما بنهتم بالوش والشعر وبننساه الايدن الحلوين حتي في بنات بتحط بودر او كريم اساس وبتكون لون وشها حاجة وايديها حاجة تانية خالص :flower:

عندك حق فعلا بتبقي وحشه اوى بس وصفه جميله اوى

مشكورررررررررررررره يا قمر

شكرا ليكي انتي يا لولا

وصفات حلوه

يسلمو ايديكي

حلوه نجرب يا جميل