ازازة مانكير واحدة اعملى عدد لا نهائى من الالوان بالصور

السلام عليكم ورحمة الله
ازيكم جميعا يا اخواتى العزيزات وكل سنة وانتوا بألف خير
النهاردة هقولكم طريقة حلوة قوى وبسيطة لعمل عدد لا نهائى من الوان المانيكير من قزازة واحدة
ساعات بيبقي عندك مناسبه ومظبطه الفستان واخر روقان بس تيجي تلاقي نفسك معندكيش منيكير لون الفستان ونسيتي تشتريه
طيب تعملي ايه وخلاص مفيش وقت
غير انه بيدي شكل حل واوي مع الشكل العام
بصو يا احلي اميرات
الفكرة الاساسية للموضوع ده يا جماعة هتلاقوها على فيديوهات كتير على اليوتيوب
وانا شوفت واحد منهم وهوعبارة انك تضيفى لون شادو على قزازة بيزكوت الشفاف ده وتقلبى لحد ما يتقطع نفسك وابقى قابلينى لو اتمزجوا
قولت لنفسى ايه وجع القلب ده ماهو لو على لون واحد طيب ماروح اشتريه واخلص!!!!!
اولا دى الادوات اللى مستخدمة وهى قزازة بيز كوت او مانيكير شفاف واى لون شادو يخطر فى بالك وفرشة واخيرا ايد بشرية ويستحسن تكون ليها ضوافر






بعدين تجيبى غطا صغير وفيه شوية مايه وتبلى الفرشة كده






بالفرشة المبلولة دى تبتدى تمشيها فى الشادو لحد ما يتمزجوا مع بعض







وتلونى الضافر نفسه بقى بالشكل ده






وبعدين بقى عادى خالص تحطى طبقة البيزكوت على الضوافر وفيه ناس بتحط طبقة تانية بعد ماينشف الاولى
وده اللون الاخضر منه





ملحوظه اخويه يا بنات:
الشادو لما بتحطيه على ضافرك تسبيه لما ينشف علشان لما تحطى البيزكوت مايطلعش اللون فى الفرشة
منقووول

افكارك حلوة بجد ربنا يخليكى شكرا جداجداجدا جدا

تسلمي يا قمر
نورتيني يا حبيبتي

تسلم ايدك فكرة حلوة جدا ومنقذة
فعلا بيحصل طوارىء كتير

تسلمي يا قمر ومنوراني يا حبيبتي

فكرة تجنن بجد تسلم ايدك

فكرة حلوة مشمشة بجد جميلة وسريعة

ازيكم يا بنانيت
عايزه اقولكم على حاجه
انا جربت فعلا الموضوع ده لما قريته قبل كده
بس ماطلعش كده خالص اللون مش تقيل ابدا مع العلم انا كنت بستعمل ايشادو زى اللى فى الصوره ده
ممكن حد يفهمنى ليه

يمكن علشان زى ما هى كاتبه في الملحوظه ده بيطلع في الفرشاه استخدمى اى شادو اتقل

يا شقية حلوة الفكرة دي