وصفه الهير دريسر الخاصه بسميه الخشاب لشعر صحي بلا تقصف

الكلام علي لسان صاحبه الموضوع بس انا حاسه فعلا انها هتكون وصفه فعاله فقولت انقلهالكم و نجربها كلنا مع بعض وانا اول ما اجربها هبلغكم بالنتايج بأذن الله ,, اسيبكم بقي مع الوصفه يا بنات


دى الطريقة الى قالتهالى الهير دريسر بتاعة سمية الخشاب وجربتها وبجد تحفة يابنات انسى التقصيف بجد :النخاع الطريقة :
تجيبى كمية من الجزار وتخلية يطلعو اوعى تطلعية انتى عشان ايديك ماتتجرحش
-تجيبى طاسة (هنا فى الطريقة دى مش بنسيحو فى حمام مية لانى قاصدة اسيحة فى طاسة عشان يقدح والسخونى العالية تزيل اى اثار دم او زفارة )وتحطى فى الطاسة النخاع ومعة:
روز مارى صحيح ودة عشان الميكروبات ومطهر قوى لفروة الراس ولو سألتى اى عطار الحل لسقوط الشعر هيقولك الروز مارى ودة على فكرة فى اغلب السيروم الى بيجدد ويعالج تساقط الشعر
-قرنفل ودة مهم جدا عشان بيدى ريحة حلوة
وبعد مانسيح النخاع مع الحاجات دى نضيف شوية روز مارى تانى وقرنفل علية وهو سخن ونسيبة تلات ساعات وبعدين نصفية ونحط علية كام قطرة مسك وبعدين تحطية على التسريحة وتستعملية ككريم شعر عادى واللة تحفة بس متكتريش شوية بس عشان لانك المفروض متغسليش شعرك اوى بعدة فمتكتريش لانك هتغسلى شعرك بالشامبو مرة واحدة بس عشان شعرك ماينشفش وتحطى على الاطراف ومقدمة شعرك على الاماكن المقصفة يعنى وتسيبية قبل غسيل الشعر ب7 ساعات او تنامى بية عشان شعرك يلحق يتغزى وبجد حتحسى بالفرق واللة فى وقتها انسى بجد التقصيف وعلى فكرة انا لاحظت حاجة غريبة الحكاية دى بتفرد الشعر شوية ودعواتكو يابناتيت

اه فعلا النخاع روووووووعه بيطول ويتقل وينعم تسلم ايديكى يا قمر موضوع حلو اوى

مرسيييييي كتييييييييييييير ع المعلومة الجميلة دي هجربها ويا رب تيجي بفايدة

تسلم الايادى
شكرا جزيلا على المعلومه
بارك الله فيك

انا كمان هحاول اجربها
بس قوليلي بقي
بعد ما اعملة ويكون جاهز احطة علي شعري زي الكريم عادي كدة وقضي يومي عادي
ومستعملشي اي كريم تاني من عندي ولا اية

ربنا يخليكوا يا بنااااااااات شرفتوني بمرورك
بالنسبه لعيون القلب بصي يا بنوته انتي بتستخدميه للحالتين كحمام كريم و تسيبيه لفتره كويسه علي الشعر مثلا 8 ساعات او تنامي بيه و الصبح تغسلي شعرك و كمان في خلال الايام العاديه تستخدميه زي كريم مرطب بس في الحاله دي الكميه اللي هتحطيها علي شعرك طبعا تكون بسيطه تكفي بس الترطيب و تسهل عليكي التحكم في شعرك لكن لو حمام كريم هتحطي كميه وفيره لانك هتغسلييه بعدها يا رب تفيدكوا الوصفه بأذن الله

اوك يا قمر يعني انا لو حبيت استخدمة زي كريم للشعر يعني
هستخدمة زي ما بتقولي تمام
مش هستعمل اي كريم من عندي انا بستعملة بقي ولا هستعملة عادي

وكمان يعني لو سبتة علي شعري زي الكريم كدة مش هيحصل حاجة لشعري ولا هيجيلي اكلان ولا حاجة ف شعري عادي
والله لو الوصفة نفعت وشعري يبطل يتساقط ويبقي حلو هدعيلك دعوة حلوة اوي ف كل صلواتي
انا شعري بيقع بكمية رهيبة وبيوجعني اوي لما بسرحة

تسلم ايديكى ياقمرايه شكلها وصفة جامده اووووى ان شاء الله هجربها

تسلم الايادى ياعسل
وشكرا جزيلا على المعلومه
بس ياليت تفيدينا بالكميه
يعني مثلا نص كيلو نخاع طازه +ملعقة أكل قرنفل +كبشة يد روز ماري طازه + 7 نقط مسك
وهل ينفع اغير المسك بدهن الورد ....و بارك الله فيك