خضار محشي مشكل

الخضار :
كوسة محفورة ومنقوعه بمويه باردة
فلفل بارد
واذا تبين تضيفين ورق عنب و بطاطس ... الخ
الحشوة :
رز مصري مغسول ومنقوع نص ساعه
دجاج مفروم
حبة طماطم مقطعه صغيره ومقشرة يكون افضل
بقدونس مفروم
شبت مفروم
ملح
فلفل اسود
زعتر بري
فلفل ابيض
كركم
وتقدرين تضيفين البهارات اللي تفضلين
بالنسبه لطريقة الطبخ
نصف كوب زيت زيتون >>> واذا ماعندك حطي زيت ذرة
نجيب صدر دجاج بدون عضم
ملح
فلفل
تقريبا نصف كوب صلصة طماطم
كاسين ماء حار تقريبا أو على حسب الكمية
نصف كوب عصير ليمون
حلقات بصل وطماطم وفلفل بارد >> واذا مسويه معهن ورق عنب تقدرين تحطين بداله الورق المتقطع يعني مايصلح للحشوة
ناخذ صدر الدجاج ونقطعه شرايح
ولا نغسله ونرشه من الجهتين بملح وفلفل
ونجيب قدر الضغط
ونضيف له نصف كوب زيت زيتون ونضعه على النار حتى يحتمي
ونحط عليه شرايح الدجاج حتى تتحمر ونقلبها الوجه الثاني
نشيل الدجاج وناخذ الزيت على جنب
ونحط حلقات البصل والطماطم والفلفل ونضع فوقه شرايح الدجاج
بعدين نصف على الجوانب الفلفل البارد وبالوسط الكوسه المحشيه
واذا عندك ورق عنب صفيه اخر طبقه
نحط صحن زجاجي على الخضار
نجيب الزيت اللي اخذناه ونخلطه مع الصلصة مع المويه الحارة
بعدين نصبه على وسط الصحن عشان يتوزع
ونحاول يكون المويه اقل شوي من مستوى الخضار
ونسكره زين
ونحطه على النار حتى يبدا يطلع صوت بعدين نهدي النار عليه ونخليه تقريبا ثلث ساعه
ونسكره عليه لما يطلع الهواء
نفتح ونصب فوقه بالتساوي عصير الليمون