أنا أسفه يا ربي

أنا أسفة يا رب

أنا أسفة لأنى زعلانة
...لانك ما استجبتش دعائى لحد دلوقتى

أنا أسفة ع نعم طلبتها منك و لسه ما رزقتنيش بيها
و نسيت أشكرك ع نعمك اللى مغرقانى

أنا أسفة يا رب ما تزعلش منى

عارفة أن دعائى مش حيروح هدر

لأن حتى لو ربنا ما استجابش ليا ف الدنيا
حيحفظ لى دعائى ف الاخرة
لدرجة أن الواحد يتمنى أن مفيش دعاء واحد أستجيب له

عارفة أن ربنا بيحب يسمع صوتى و أنا بدعيه

عارفة أن كل شىء بميعاد و كل شىء رزق و نصيب

يمكن الشىء اللى أنا عايزاه ما يكونش خير ليا أصلا

و يمكن يكون وقته لسه ما جاش

عارفة أن الذنوب بتمنع وصول الدعاء

و رغم كده بزعل
و أنا ماليش أى حق أزعل

خلاص

من النهاردة حأشكر ربنا أكتر

صحيح عمرى ما حأقدر أوفى نعم ربنا عليا أبدا

بس حاحاول ع قد ما أقدر

و مش عشان ربنا قال" لَئِنْ شَكَرْتُمْ لَأَزِيدَنَّكُمْ"

مش عشان عايزة زيادة

لأ

عشان بحب ربنا

و مقصرة قوى ف حقه

و مش بشكره كفاية ع نعمه
اللى فضلنى بيها ع كثير من خلقه

اللهم لك الحمد كما ينبغى لجلال وجهك و عظيم سلطانك




منقووووووووووووووووووووووووول[center]

الحمد لله رب العالمين علي كل الاحوال وربنا يهديلنا احوالنا يارب جميعا جزاكى الله خيرا

جمييييييييييييييل جدا
والله حسيت ان جسمي قشعر تسلم ايدك

الحمدلله على كل شىء

تسلمى يا قمر

كليوبترا ميرسي لمرورك يا حبيبتي
مشمشه ربنا يخليكي يا مشمش و تسلميلي يا حبيبتي
بوبا ميرسي يا حبيبتي والله انتي اللي قمر

حلوة جدا وجت في وقتها اووووووي