سلطة الذره والدجاج المقرمش

المقادير:-
خس
خيار
طماط
جزر
ذره معلبه (علبه صغيره)
نعناع يابس او طازج
بقدونس
ليمون
صدور دجاج فيليه
خل

مقادير الصوص:-
روب منزوع الدسم او المتوفر
مايونيز
صلصة رانش الجاهزه
اوريجانو او زعتر
ليمون


الطريقه:-
نقطع خس وخيار وطماط بالحجم اللي نبغيه ونحطه في القالب

ونحط الذره الصفرا انا استخدمت المعلبه .. والبيبي كورن فحتها وقطعتها صغار وبقدونس وجزر مكعبات صغار ورشيت نعناع يابس حطيته في مله وحطيت عليه عصير ليمونه وخل حسب اللي تبينه انا احبه زياده ..

وحطيت هالخلطه ع اللي في القالب

والدجاج انا استخدم قبل امريكانا فيليه الدجاج المثلج بس هالمره مالي بارض اقلي فخذت صدور الدجاج من مكدونلز جاهزه وتقدرون تطلبون من المعصره صحن فيليه وتحطونه:


والصوص .. قوطي روب منزوع الدسم على شان مايكون فيه طعم حموضه .. وقفشة صلصة الرانش الجاهزه من الجمعيه وعصير ليمونه وشوي اوريجانو وقفشتين مايونيز ..