كفتة الفراخ

المقادير:
نصف كيلو فراخ بانيه
بصلة متوسطة مفرومة نااااااااااعم
نصف كوب بقسماط ناعم
بيضة واحدة
ملح
فلفل اسمر
كارى
بهارات
قرفة مطحونة لو عايزة
الطريقة:
الاول نفرم الفراخ فى الكبة
وبعدين نحط عليها البصل ونفرمهم تانى سوا
نحط عليهم باقى المقادير اللى هى البيضة والبقسماط والتوابل
هتلاقيها زى العجينة ممكن تشكليها
ولو كانت سايبة اوى ضيفيلها شوية بقسماط كمان
اعمليها كور فى حجم عين الجمل
وبعدين حطيها ى بقسماط عشان الطبقة الخارجية تكون مقرمشة
وبعدين تقليها فى زيت غزير