قرار هام للاداره يرجي الاطلاع لكل الاميرات هام جدا

يا احلي اميرات وحشنى جدا وممكن اكون مقصره شويه لانى عيانه وعندى برد شديد بس لازم انزل التنويه ده ضروري جدا

اولا : اى اميره اى رد سخيف هيضايقها من اى عضوه ارجو التوجه بسرعه للاداره وارسال لينك الموضوع ضروري جدا احنا مش هنسمح بناس تدخل لمجرد تحرق دمنا او تضايقنا وغالبا بيكونوا مش منا ومساهماتهم تكاد تكون معدومه احنا دخلين للاستفاده وتكوين صداقات محترمه وخاصه اننا مفيش ولا ولد
ثانيا : لا تقومى بالرد نهائيا عليها لاننا سنتخذ اجراء عنيف بجد مش هزار اولا هتتمنع نهائي من المشاركه في المنتدي كانذار اول لمده شهرين وان كررتها هيتم منعها من دخول المنتدي نهائي علشان نحافظ علي جمال المنتدي محدش يرد وانا هحذف الرد الوحش وكمان هنوقف عضويتها وده اول تنويه من نوعه وباذن الله مشوفش ردود سيئه تحرق دم بعض
ارجو العلم انه بابلاغي سنقف سويا في وجه اي رد سئ واى عضوه لا يطلق عليها اميره علي الاطلاق حتى لا يتحول المنتدي الي كلمات وعبارات لن نسمح بها
انا ميهمنيش العدد في المنتدي بدليل اننا بنرفض الاولاد المهم السمعه الطيبه والكلمه الطيبه
تحياتى وقبلاتى لارق واجمل اميرات

جزاكي الله كل خير يا راندا فعلا ساعات بلاقي اعضاء جدد بيكتبو ردود تضايق
المره الجايه اخد بالي وبتبقي اول مشاركه ليهم اصلا

ايوه يا روان ده غالبا اول واخر مشاركه مش بيدخلوا تانى زي ردود الفيس اللي بتشوفوها بتحرق دمى بجد حسبي الله ونعم الوكيل بلغونى لانى بجد مش عايزه سخافه احنا بنعمل مجهود وكل بنت بتكتب موضوع انا بقراه وكمان اللي بتكتب مش جزائها اننا نضايقها كفايه تعبت وبتحاول تساعد حتى لو المعلومه غلط ممكن نوجه بهدوء وبطر يقه ظريفه يارب يهدي ياروان بس تاني بلغونى لاااااااازم الموضوع مهم منظرنا قدام الناس لازم يبقي راقي اوعوا تنساقوا ليهم انا بوقف العضويه علطول وهنعمل تحذير واذا تكرر بيتقفل العضويه نهائي

اللهم أحسن عاقبتنا في الأمور كلها و أجرنا من خزي الدنيا و عذاب الآخرة :flower: اللهم رب الناس ، أذهب البأس ، أشف أنت الشافى لا شفاء إلا شفاؤك شفاء لا يغادر سقماَ

goooooooood keda a7san 3lshan m7dsh y3`ls 3lena thx ank 7`ty balk

اللهم لا تسلط علينا بذنوبنا من لا يخافك ولا يخشاك و لا يرحمنا***شكرا لمجهوداتك وجزاك الله عنا كل خير****

ربنا يكرمكم شكرا لدعواتكم يارب دايما منورنا وربنا يهدي الجميع ونفضل دايما بحب وتشجيع لبعض دايما

الف سلامة عليكى ياكوكى ربنا يشفيكى ويعافيكى
وبجد فعلا حلو اوى القرار دا عشان اى عضوة تفكر تعمل كدا يبقى تتعاقب لان فعلا بيبقى فى بنات بيقصدوا يضايقوا اميرات المنتدى

الف سلامة عليكى ياكوكى ربنا يشفيكى ويعافيكى
وبجد فعلا حلو اوى القرار دا عشان اى عضوة تفكر تعمل كدا يبقى تتعاقب لان فعلا بيبقى فى بنات بيقصدوا يضايقوا اميرات المنتدى