وصفة النخاع للشعر الجاف والمتساقط

وصفة النخاع للشعر الجاف والمتساقط


النخاع للشعر
الوصفه دى جربتها عليا انا واختى الصغيره بصراحه ومن اول مره ظهرت نتيجته عليا انا وايمان
كان شعرى بيسقط الحمد لله خف كتييييييييييييييير
وايمان رطب شعرها وحست انه طرى اوى
بجد مع الوقت هاتجيب نتيجه حلوه


و فوايدة النخاع للشعر

فوايد النخاع حاجاتان:

1- بيطلع الشعر فى الاماكن الى مش فيها

2- بينعم الشعر جدا بيخلى حرير

و عشان كدة النخاع دى مناسب لمعظم الناس الى شعرها جاف و الى شعرها بيقع


1-هتشترى النخاع ده من عند الجزار تروحى تقوليله انا عايزه نخاع هيديكى و يمكن من غير فلوس عشان ملوش اهميه عنده و لو جزار عبقرىي وعارف قيمته هياخد مبلغ رمزى جدا
2-تجيبى اى كميه لأنك ممكن تشيليه فى الفريزر لحد ما تستعمليه مره تانيه مش هيجراله اى حاجه
3-شكل النخاع بيكون شبه قطعة الزبده البيضاء بس طبعا مش مستدير ده طويل وأول ماتمسكيه بيسيح فى أيدك اويعطيكى ملمس الفازلين
4-لو حبيتى تسيحى النخاع و تضعيه فى علبه براحتك بس انا اخدته من الجزار على شعرى عالطول و مش تغليه تسيحيه يفك من بعضه بس
6-تجيبى كميه مناسبه و يكون شعرك نضيف و غسلاه بالماء الساخن عشان تكون المسام متفتحه و شعرك دافى نشفى شعرك من الماء بحيث يكون مندى
5-و أبتدى من الجزور قسمى منطقه منطقه خدى من النخاع افركيه بين اصابعك القطعه الى فى أيدك هتسيح وادعكى فروة رأسك وأستمرى لحد ماتخلص فروة رأسك وانزلى على الشعر واعمليه كله وغطى شعرك بكيس او بونيه الحمام.
6-خلصتى؟سيبى بئه شعرك مش أقل من ساعه عايزه ازيد اوكيه
7-أغسلى شعرك بماء مائل للسخونه يعنى متغليش راسكواغسلى بالشامبو بيتاعك هتلاحظى من أول مره غسلتى شعرك ان النخاع الزائد طلع كله وملوش اى أثر يعنى لا ريحه ولا ملمس دهنى سهل جدا فى غسله
8-ان شاء الله هتلاحظى الفرق من أول مره تلاقى شعر ناعم مفرود و فيه لامعه وحيويه.

طريقه اخرى لوضع النخاع

لو شعرك دهنى تاخدى معلقة واحدة صغيرة لو شعرك جاف معلقة واحدة كبيرة و تسيحيها على البخار مش النار لو حسيتى الكمية قليلة زيدى من المكونات التانية ( العسل او الزيت)

بعض كدة تضيفى عليها معلقة عسل كبيرة


و شوية زيت الى يمشى مع شعرك ممكن زيت لوز او خروع او فى زيت عندها بتبيعة

بس و اقعدى تحت الة البخار ساعة و استخدمى مرة او مرتين فى الاسبوع بس
بجد والله الوصفه جميله جدا