حل لمشكلات الشعر المجعد والهايشو المقصف والمتساقط

تساقط وتقصيف الشعر:
لعلاج المشاكل دي نعمل حمام زيت للشعر عبارة عن خليط من زيت الثوم وزيت الجرجير وزيت جوز الهند، وبنسيب الخليط ده على شعرنا لمدة 3 ساعات، وبعد كده نغسل الشعر الشامبو المناسب، وبنكرر حمام الزيت 3 مرات في الأسبوع.

أما بقى بالنسبة للناس اللي عندها تقصيف في شعرها من الأمام من عند الجبهة، ضرورة تدليك فروة الرأس بزيت حبة البركة المعصورة على البارد، وبنكرر الموضوع ده يوم ويوم، مع عمل حمام الزيت السابق، ضرورة قص الشعر بشكل دوري للتخلّص من مشكلة التقصيف.

القهوة كمان مفيدة جداً لعلاج مشكلة تساقط الشعر؛ بسبب مادة الكافيين اللي موجودة فيها، وإن فيه شركات عالمية دلوقتي بتتجه إنها تعمل شامبوهات بمادة الكافيين.

هيشان الشعر
لو كنت بتعاني من هيشان شعرك، فعليكِ بعمل حمامات الزيت أو الكريم اللي بتحتوي على عسل النحل، وبعد غسيل الشعر ندلكه بنقطة أو نقطتين من أي زيت للشعر.

قشرة الشعر
للتخلّص من مشكلة قشرة الشعر ممكن تجيبي زهرة الكاموميل "الشيح"، وتغليها في شوية مية مع زعتر وروزماري، وبعد كده تصفيهم وتاخدي الميه وتدلكِ بها فروة راسك كويس وتسيبيه على شعرك لمدة ساعة، وبعد كده اشطفي شعرك بالمية الباردة.

الحنة هي أكتر الحاجات الطبيعية التي تساعد على التخلّص من الشعر الأبيض


الشعر الأبيض بسبب الصبغات
الحنة هي أكتر الحاجات الطبيعية اللي ممكن تساعدنا على التخلّص من مشكلة ظهور الشعر الأبيض؛ ولكن علشان الحنة تعمل نتيجة كويسة وتدينا لون كويس لازم نضيف عليها وسط حمضي زي الخل الأبيض أو الليمون، وبنضيف عليها كمان زهرة كاموميل أو قرنفل مطحون أو مغلي، وبنحط الخليط ده على شعر نضيف جداً، وبنسيبه لمدة طويلة على الشعر وبعد كده نغسل الشعر كويس جداً من آثار الحنة.

فرد الشعر المجعّد
نعمل حمامات بزيت الحلبة أو زيت جوز الهند لفرد تموجات الشعر، لكن مع ضرورة المواظبة عليها.
وبالتوفيق للجميع :flower:

تسلمى يا قمر

تسلم ايديكى رائع

تسلم ايديكى ياقمر

يسلمو جميل اوي موضوعك

بارك الله فيكي

تسلم ايديكي ياقمر...انا كنت محتاجه فعلا الحاجات دي ربنا يجازيكي خير :flower:

ربنا يوفقنا جميعا وانتظروا المزيد :flower:

تسلمى بجد كنت محتاجه الموضوع ده جداااااااا

تسلم ايدك