كفتة البطاطس حلوة وجميلة وباقل تكاليف ادخلي ومش هتندمي

كفتة البطاطس بالجبنة الرومي

اولا نسلق البطاطس
ثانيا نحضر الجبنة المبشورة الرومي
ثالثا نحضر 2 بيضة ولبن
رابعا نحضر بقدونس
خامسا نحضر بقسمات
سادسا نحضر بهارات وملح وفلفل وشطة وكمون
سابعا دقيق

الطريقة
نضع بيضة واحدة مع شوية لبن ونخفقها كويس ونحط عليها فلفل بسيط
وبعد كدة نحضر البقسمات ف طبق
وبعد كدة نهرس البطاطس بس مش اوي ونحط عليها الجبنة المبشورة والبيضة التانية
والبقدونس والتوابل وشوية بقسمات عليهم

كدة بقت عجينة متماسكة وفيها كل حاجة
نجيب شوية دقيق نحطهم ع الرخامة ونجيب قطعة قطعم ونعملها رول زي صوابع الكفتة طويلة كل دة بيكون علي الدقيق علشان يخليها حلوة ومتماسكة
او ممكن تمسكي حتة حتة وتعمليها علي ايدك ويكون عليها دقيق بس الاسهل انك تعملي حتة كبيرة وتلفيها وبعد كدة تقطعيها بالسكينة
وبعد كدة تحطيها ف البيض واللبن وبعد كدة البقسمات وهكذا لحد ما تخلص وبعد كدة
لو عايزة تسبيها ف الثلاجة قبل ما تحمريها اوك
مش عايزة وهتحمريها ع طول اوك وبيكون لونها دهبي

وبتكون طعما جميل جد
ملحوظة ممكن تستبدلي الجبنة الرومي باي حاجة تانية
وتعمليها بنفس الطريقة
ممكن لحمة معصجة
او فراخ
او اي حاجة
ولو مافيش لبن مش مهم مع ان البن بتنشيفها شوية
بس عادي انا جربتها كدة وكدة وكانت حلوة برضة
من صنع ايدي وحيات عنياة
يارب تعجبكم
امووووولة

هااااااااااا محدش عايز ياكل ولا اية

جوعتينى بجد انا اصلا جعانه تسلم ايديكى تحفه

شكلها بيقول ان طعمها حلوووووووووووووووووو

بجد الطريقه سهله اووووووووى انا هجربها وهقولك الاخبار

ربنا يخليكو ليا بجد طعما خطيرة جدا وياسلام لو عندك جبنة موتزاريلا الجبن الي بتمط دي تبقي خطيرة موووووووووووووووووت

تسلم ايديكى هجرب اعملها ان شاءلله

ميرسي اخجلتوني بجد
يارب تنول اعجابكم

تسلم ايدك يا قمر