وصفه سحريه للهامبرجر وادعولى

السلام عليكم ورحمه الله وبركاته


وصفة سحرية للهامبرجر
هاقولكم على فكرة للهامبرجر جنان ممكن تعمليها لولادك وهم رايحين المدرسة او على العشاء وتقدميها بكذا طريقة اهــــــــــــــــــــــــــــــــم حاجة تدعولى ربنا يفتحلى ابوب الرزق ويغنينى من فضله ويزيح عنى الهم والحزن انا واهلى واصحابى وكل المسلمين والمسلمات..

من احلى انواع الهامبرجر اللحمة طبعا :
1-حلوانى (الحجم العائلى بها 20 قطعة ب 45 جنيه ) بس القطعة حجمها كبير فعلا غالية شوية مش كده... ماتقلقيش عندى البديل
2- امريكانا الحجم العائلى تحفة وده طبعا اللى بيستخدموه محلات الاكل ونفس الكمية وسعره حوالى 14 جنيه
3- ثرى شيفس حاجتهم جميله ونفس الطعم الجميل ونفس سعر امريكانا
بصى بقى يا سيتى حاجة مش متعبة خالص هاتجيبى البرجر تعمليه بالبيض والبقسماط 6 كل اللى هاتعمليه انك تحطى البرجر فى البيض واحدة واحدة بعدين فى البقسماط بعدين تقليه ...
الحلو اوى فى البرجر انك بتستعمليه وهو متلج مش لسه لازم يتسيح وولا بياخد وقت ولا حاجة ووالله طعمه بيبقى جنان وكمان كميه تكفيكى على كذا مرة...

ممكن تستعمليه للاولاد ساندوتشات الصبح فى الكيزر مع كابوتشى وكاتشب وجبنة ولا كأنه ماكدونالدز..وينفع كمان فى العشاء بنفس الطريقة مثلا جنبه بطاطس محمرة .

2- ممكن على الغداء فى السريع مع مكرونة وتعمليه بانيه وجنبه سلاطة ومايونيز كاتشب وبرضه بطاطس باى نوع تحبيه (محمرة -سوتيه- مسلوقة...).

ولسه كمان انتى ممكن تعملى حبة من غير بقسماط وحبة ببقسماك لو عندك مثلا حد على العشاء من اهلك او اهله وبطريقة برضه حلوة اوى انا مجرباها..

بصى يا سيتى تحطى البرجرعلى السلك فى الفرن الكهرباء او العادى على حرارة وسط وتحطى تحطيه صينيه عشان بينزل الدهون اللى فيه وتشويه وتحطى فحمة على النار لحد ما تحمى اوى ...
تطلعيه لما يستوى وترصيه فى الطبقة وتحطى الفحمة فى الطبق وترشيها حبة قليلة جدا زيت او سمنة وتغطى الطبق بغطى كويس ...وكأنك عاملاه على الفحم وبقى عندك نوعين وصدقينى مجهود قليل جدا ..


منقوووووووووول

بيبقى جميل اوى تسلم ايدك