بطاطس مقليه مقرمشه ومش شاربه زيت كتير

بطاطس مقليه مقرمشه ومش شاربه زيت كتير

طريقه متجربه يا بنات وحلوه جدا
تجيبي البطاطس وتقشريها طبعا و تقطعيها صوابع

وبعدين أثناء التقطيع حطي قدر به ماء و مقدار مناسب من الملح على النار ولما تغلي المويه تضعي عليها مقدار فنجان قهوه خل ابيض
وتضيفي البطاطس وتتركيها لمدة خمس دقائق تغلي
بعدين تصفيها من الماء في مصفي و تسخني الزيت وتقليها عادي
وهتاخذ وقت اطول شويه عن العاديه في الزيت متقلقيش
لكن لا تنتظري حتى تأخذ لون أحمر


طلعيها وهي شبه صفراء لأنك هتلاحظي انها هتكون مقرمشه جداً من الخارج وبنفس الوقت طريه من الداخل



يعني لو تركتيها لتاخذ الون الأحمر او الذهبي الداكن هتطلع ناشفه زياده عن الازم
يارب تعجبكم الطريقه

طريقه اخري
انتى هتقشرى البطاطس او البطاطا كما يسموها اخواتنا فى الدول العربيه عادى وتقطعيها صوابع عادى وتغسليها وعليها رشه ملح .. وتسخنى الطاسه بالزيت عادى جدا وتحطى البطاطس يدوب دقيقيتن وتطفى النار وتسيبها فى الطاسه هنا التكه

وبعد ساعه او لما تخلصى اللى وراكى اقليها تانى لحد ما يحمر لونها

وهتطللع تحفه ومش هتشرب زيت نهائى وهتكون دهبيه اللون وجميله

وعلى فكرة بطاطس الطهو اللى ما بنعرف نقليها اللى هى مسكرة كمان الطريقه ديه بتخليها روووعه

تجربه اخري
نقشر البطاطس ونحطها في ميه بملح وبعد شويا نقلي في الزيت نصف قليه أو أقل وبعدين نطلعها من الزيت ندخلها الفريزر ولما تتجمد كويس نحمرها في الزيت تاني لحد ما تستوي
جربت هذه الفكره وطلعت معايا زي المطاعم واحسن