البانثينول لجمال و صحة شعرك

البانثينول هو من مجموعة فيتامين ” ب ” المركب ويسمي ” ب5 ” .
ويعتبر هذا الفيتامين أحد المكونات الطبيعية للجلد والشعر وله دور هام فى سرعة تجديد خلايا الجلد والشعر ويعمل على نموها بشكل طبيعي .

ما دور البانثينول فى الحفاظ على متانة وقوة الشعر ؟
يساعد هذا الفيتامين خلايا الشعر على القيام بوظائفها الطبيعية وله دور مهم فى تغذية بصيلات الشعر وإكسابها القوة والمتانة .
ولذا نجد أنه مع الاستعمال المتكرر لهذا الفيتامين يقل تقصف وسقوط الشعر وتزداد كثافته ولمعانه ونضارته .
وميزة أخري لاستعمال البانثينول وهى محاربة ظهور الشعر الأبيض ( الشيب ) المبكر .

ما أهم الأغذية الغنية بالبانثينول ؟
هذا الفيتامين واسع الانتشار فى الأغذية المختلفة وأهم العناصر الغنية به هي :
* الخميرة . * اللحوم . * البيض . * الكبد .
* الأسماك البحرية .
* الخبز الأسمر ( دقيق القمح الكامل ) .

هل هناك مستحضرات يدخل فى تركيبها ” البانثينول ” تفيد الشعر ؟
نظراً لأن البانثينول ذو وزن جزيئي صغير وله قدرة كبيرة على اختراق الجلد والتغلغل إلى الطبقات العميقة .. لذا يستخدم فى بعض مستحضرات الجلد والشعر .
- فيمكن استخدامه مع الشامبوهات والاسبراي والكريمات والجيلي الخاص بالشعر .
- فتساعد هذه المستحضرات فى إكساب الشعر الصحة والمتانة وتجعله لامعاً براقاً ناعما وتحميه من الجفاف والتقصف والسقوط .

ولذا ننصح أصحاب الشعر الخفيف أو من يشكون سقوطاً وتقصفاً وجفافاً بالشعر باستعمال بعض المستحضرات المحتوية على البانثينول مثل :
• شامبو البانثينول
لونا بالبانثينول

• كريم البانثينول .
• أمبولات البانثينول التي يدلك بها فروة الرأس .

• أو الزيوت المحتوية على البانثينول .
وفيه حمام كريم بناويل بالقمح برده غني بالبانثينول

جميل يا روان

طب يارورو ياقلبى حمام كريم بوناويل بالقمح وبروفيتامين ب5دى بانثينول؟؟والشامبو اسمه شامبو بانثينول؟ولا ليه اسم معين بس بيدخل فى تركيبه البانثينول؟؟ولو ليه اسم معين ممكن تقوليلى اسم للشامبو؟؟معلش يارورو انا غلسة وطولت وتقلت عليكى بس انا نفسى اجيب شامبو يكون فيه بانثينول بس مش عارفة اسم شامبو فيه بانثينول

تسلم ايديكى بجد يا روان تحفه كل البنات بتشكر فيه هجيب الانبولات

sandro كتب:جميل يا روان

انتي الاجمل يا قمر

mariana.ibram كتب:طب يارورو ياقلبى حمام كريم بوناويل بالقمح وبروفيتامين ب5دى بانثينول؟؟والشامبو اسمه شامبو بانثينول؟ولا ليه اسم معين بس بيدخل فى تركيبه البانثينول؟؟ولو ليه اسم معين ممكن تقوليلى اسم للشامبو؟؟معلش يارورو انا غلسة وطولت وتقلت عليكى بس انا نفسى اجيب شامبو يكون فيه بانثينول بس مش عارفة اسم شامبو فيه بانثينول

بصي فيه امبولات او كبسولات بيبقي فيها بانثينول بتتباع في الصيدليه بتوقف تساقط الشعر لو عايزه تجربيها اسمها ايفا
ولو عايزه شامبو بالبانثينول فيه شامبو لونا بالبانثينول
بيقلل القشرة وبيمنع السقوط بس بينشف الشعر محتاج معاه بلسم او حمام كريم بعد الاستخدام وفيه منه نوعين للشعر الجاف والشعر الدهني هاتي اللي للشعر الجاف علشان مينشفش شعرك

دا اللي مكتوب علي العلبه بتاعته
شامبو لونا بالبانثينول له تركيبة خاصة لعلاج الشعر المجهد والمتقصف
- .يمنع تساقط الشعر ويقوية بفضل إحتوائه على مادة البانثينول التي تحمي الشعر من التقلبات الجوية.
- حماية أكيدة من القشرة
- ينظف الشعر ويعطيه نعومة وبريقا ليس له مثيل
- متوافر بنوعيه للشعر الجاف والشعر الدهني
لونا بالبانثينول يستخدم مرتين اسبوعيا



السعر 12 جنيه مصري

وحمام كريم بوناويل جميل خليكي مستمره عليه وفعلا هو بيحتوي علي فايتمين ب المركب اللي هو البانثينول واي حاجه فيها الفايتمين دا تبقي فيها بانثينول استعملي برده كريم بانثينول للبشره حلو اوي بجد عن تجربه وسعره 2.5 جنيه مصري

اي خدمه يا قمر لو عايزه اي سؤال معين


دي صوره كريم البانثينول بتاع البشره برده بس خدي بالك الكريم دا مينفعش للشعر لان فيه ناس بتفهم الموضوع دا غلط



دي صوره قديمه له هو الوقتي لون العلبه ابيض في ازرق

رورو ياروح قلبى ميرسى ليكى بجد وانا هشترى شامبو لونا للشعر الجاف زى ماقولتى وهجرب الكريم بانثينول للبشرة بجد ربنا يوفقك ويقف معاكى فى امتحاناتك ياقمر

موضوعك حلو يا روان وربنا يوفقك في الامتحانات وبالنسبة للكريم فهو ينفع كمان لوفي تشققات في حلمة الثدي بالذات للي بترضع وللالتهابات بين الفخدين نتيجة العرق والاحتكاك

mariana.ibram كتب:رورو ياروح قلبى ميرسى ليكى بجد وانا هشترى شامبو لونا للشعر الجاف زى ماقولتى وهجرب الكريم بانثينول للبشرة بجد ربنا يوفقك ويقف معاكى فى امتحاناتك ياقمر

انتي تؤمري يا قمر وميرسي لدعواتك الجميله