ما تيجوا نعرض الحاجات اللي احنا مش محتاجينها في بيوتنا هنا

ورحمة الله وبركاته

في فكرة جت على بالي ومش عارفة احطها في اي قسم بالمنتدى ، انتم اختاروا بقى المكان المناسب لها

ايه رأيكم نعمل قسم للحاجات اللي احنا مش عاوزينها (تكون في حالة جيدة طبعا) وكل أميرة ترفع صور للحاجات اللي هي عارضاها ، وتبيعها بسعر كويس مغري أحسن من اللي في السوق؟؟

وممكن تكون اي حاجة كويسة وهي مش عاوزاها ، تحف ، ملابس ، اكسسوارات ، شنط ، اجهزة منزلية ..... مش فاكرة الباقي ، بس اهوه كده يعني..
وتكتب طبعا مواصفات الحاجة دي تحت الصورة ، وتقيم حالتها (مثلا 8 من عشرة) ، وهل جديدة لم تستعمل ، واللا استعملت قبل كده ، ولو فيها عيوب بسيطة تذكرها برضه ، وطبعا مش تنسى تكتب السعر الي هي طالباه ، وممكن في حاجات فعلا تكون عندنا ومش محتاجينها ، وفي أميرات تاية ممكن تكون مش لاقياها ، او على الاقل انه يكون سعرها افضل عن ما تنزلي السوق..
ايه رأيكم؟؟؟

اه .. وطبعا مش ننسى نكتب المكان ، وطريقة التوصيل ، اذا كل واحدة تاخدها بنفسها ، واللا عن طريق الطرود .... الخ
واسلوب الدفع....
في انتظار ردكم يا أميرات

جامده جدا جدا بجد وهنقله في المول وهثبته با شيري لانه عجبنى الفكره جدا برافو عليكي وتسلم ايديكى

انتي تؤمري يا جميل
وياللا وروني الهمة بقى ...

دعواتكم ليا يا أميرات :-)

الصراحه فكره جميله جدا جدا جدا وعجبتنى اوى
وياريت نخليها عن كل حاجه حتى الحيوانات الاليفه
انا عندى مجموعه كبيره من التاتو بتاع الرجل والجسم ملون وفى اسود زى الحنه المرسومه واستعماله سهل اوى اوى بس مش عارفه انزل الصور ازاى

فكرة جامدة اخر حاجة تسلم ايديكى ياقمر

ايه ده انا زعلانة اوي بجد ، يعني انا في البداية كنت متحمسة جدا لفكرة الموضوع ، بس مش لاقية اي تفاعل من يوم ما كتبته ايه السبب ياترى ؟؟؟

عايزين ننشطه تانى ياريت يا بنات فعلا عندك حق

وممكن اسهل لكم انكم تروحوا على الفيس بوك تبحثوا عن صفحة (اعرض واطلب أون لاين) ، دي صفحة يادوب لسه عاملاها دلوقتي ، ممكن تعلنوا عن كل حاجة هناك براحتكم ، وبيكون سهل كمان انكم تقوموا بدعوة أصدقائكم للصفحة علشان تعم الفايدة على الجميع وكلنا نستفيد ونفيد بعض.

فكره جميله قوى ولولا انى مش عايشه فى مصر كنت حكون من اول المشاركين فيها