لكل المهتمات بالكيراتين

يا احلي اميرات انا الحمد لله عايزه انقل لكم موضوع ويكون باذن الله متجدد وتابعوه للاخر بالنسبه لموضوع الكيراتين بجد انا واجهت مشكله كبيره وقلق كبير جدا جدا في موضوع اختياره ومين وتحذير الدكتره عليه انا الحمد لله عالجت شعري 50 في الميه بالوصفات الطبيعيه يا احلي بنات النخاع روعه والحمامات الزيوت مش الدهان وكنت محتاجه اعالج مش افرد فكرت في كيراتين التغذيه وده اللي اكد عليه الدكاتره الجلديه انه معالج وليس فرد وده اهم حاجه انه مش بيفرد خدوا بالكم بس بيعالج التقصيف وكمان اللمعان وده كان مشكله ان شعري الجديد بقي كويس بس اللي من الصبغه لانها كانت هاي لايت مكنش ماثر الوصفات لان الشعر اصلا بيبقي مات والكيراتين فيه زيرو المهم الجديد اتحسن القديم اتحسن بس مش اوى الاطراف لازم تتقص كلها وانا مش بحب شعري قصير
خلاص كده المهم توصلت لبنت يارب خير يارب وديه تجربتى هكتبها خطوه خطوه كانى بنقلها ليكم يوم بيوم علشان ده حق ربنا يحاسبنى عليه بجد لانه موضوع مفهوش هزار وفي رقابتى لكل بنت اووصف بالظبط
بالنسبه للزجاجه انا قريتها واتاكد ان المكونات مفيهاش فورمالين
بردوا قلت ممكن يكون مغير الزجاجه وحطه فيها قلت اشمه بما انى دكتوره عارفه ريحه الفورمالين بس الحمد لله مفيش تمام ده اول خطوه
قلت اتوكل علي الله واسيب الامر لربنا وبدات تحطه هو بريحه الشوكولاته كده وبدات تعمله بخطواته
وده كان امبارح بس قالت ليه للامانه وده مهم جداااااااااااااا مش هيفرد قلت لها يعنى ايه قالت ليه هيطري ويلمع ويبقي ويفي او مموج عادي وده اهم حاجه لانى مش بحب شغل المقشات بتاعت البيرمننت وكمان شعري حلو بس لمعانه راح من الولاده والاطراف مش عايزه اقصها كلها
اول يوم خلصت اللي هو امبارح قالت ليه لازم 4 ايام متلمش ومتعرقيش وربنا عليه شاهد ان كل كلمه بقولها حصلت وبعد ما خلصت شكله واقف وناشف وغريب قلتلها طيب ما هو واقف بردوا قالت ليه لما يتغسل هيبقي ويفي وهيتغير شكله خالص ولسه العلاج مستمر والبيبي ليس لمرتين كمان
وادعولي بجد لو لقيتوا خير هقولكم اسمها ومكانها بس مستنيه اغسله واكمل معاكم كل يوم التغير اللي هيحصل هي قالت ليه هيتحسن كل يوم عن اللي قبله و ولما يتغسل احساسا التلصيق هيروح وانا كانى بحكى لكم الفيلم بصوا شعري عامل زي المعمول حمام كريم كده وناشف وادعولى يا بنات اكمل علي خير ربنا شاهد عليه يا بنات وكل جديد هكتبه هنا في الموضوع ده باذن الله تابعوه حتى بعد شهور لو شعري وقع او حصل ليه اي حاجه امانه قدام ربنا هكتب هنا تانى
ويارب انا نيتى خير يا رب يكون خير وانا معاكم هتابع لغايه الغسي وهبلغكم وكمان الله بعد كده هعمل ايه وقالت ليه الشامبو لازم والبلسم علشان المفعول ميرحش بسرعه وبتقولي من 3 ل 6 شهور حسب الاهتمام
وباذن الله اى جديد هنزله هنا

ارجوك يا ريت تقولى النتيجه لانى نفسى اعمله وخايفه وربنا معاكى ويطلع حلو ان شاء الله

الله بتمنى ومنكرش انى قلقانه بس هانت وباين انه ابتدى انهرده فعلا احسن شويه منن امبارح وربنا يسهل الله اول ميبان بعد الغسيل هدخل اكتبلكم من عنيه

ربنا يكرمكك وان شاء الله يطلع حلو انا برضو بفكر اعمل شعرى كرايتين وخصوصا انى فى ناس اعرفهم عملوه وبيقولوا عليه حلو وبيخلى الشعر ويفى , ياريت تكتبيلنا النتيجة النهائية

ان شاء الله تلاقى النتيجة اللى نفسك فيها

عايزين الاسم والماركه من فضلك ونشترى منين ضرورى

انا جبته من بنت وجت عملتوا في البيت وباذن الله اول ما اخلص الاربع ايام هنزلكم رقمها وكل بيانتها بس انا مستنيه النتيجه بس هوه من غير فورمالين انا متاكده باذن الله يوم الجمعه هغسله واقول النتيجه كامله باذن الله وارقامها وهي بتيجي لغايه البيت

ممكن نمرتها وهو سعرة كام وشكرا

انهرده زي ما وعدتكم لسه مفروود واتشرب في الشعر لانى عملت بالبيبي ليس تانى لانها بتعمله مرتين اعاده بالبيبي لس هغسله الجمعه ادعولى بس انا حسه انه خير يا بنات اتشرب فعلا زى ما قلتلي اكتر جروب البنت للي بتسال هتلاقيه من هنا
https://www.facebook.com/pages/Smile-shops/111353265596103?v=wall
الاسعار حسب طول الشعر وسمكه لازم توصفوا شعركم ليها انا مش بعمل اعلان يا بنات ربنا يعلم انى جربت بس لسه مغسلتوش الازازه اللي عملتها هى النوع ده


واعملوا بحث علي نوع الكيراتين ده يا بنات علي جوجل واالنت قبل بردوا ما تعملوا انا عملت كده اتاكدوا تمام قبل اي حاجه وهبقي انزلكم الموقع الرسمى ادعولى فاضل بكره واغسله الجمعه الصبح

يارب يكون كويس وشعرك يبقي جميل
طب طمنيني بقي اقوليلي عملتي اية
طب انا دلوقتي عايزة اعملة عند خبير التجميل احمد لطفي
هو جة ف برامج كتيرة اوي
واتصلت وسالت المساعد بتاعة
قالي تيجي قبل الفرح بشهر
وبعدين سالتلة عن السعر قالي حسب نوع الشعر
قلتلة انا شعري قصير
وروحتلة علشان اتاكد
والمساعد شاف شعري
وقالي ع الاسعار
من 1000 وشوية
لحد 5000 جنية
وقلتلة الي ب 5000 جنية دة اية
قالي بيتعمل العمر كلة علاج ووفرد وبيمنع التساقط
عايزة اتاكد من المعلومة دي ضروري ضروري
وانا عايزة اعملة بس مرة واحدة للجواز وعيزاة يفضل كدة ع طول
ومش عايزة اعملة تاني
لانة غالي واا دلوقتي ف بيت بابا
انما لما اتجوز جوزي مش هيوافق يخليني اعملة لانة غالي
حد يفدني يا جماعة
في العمر كلة ولا مافيش وعايزة اعرف يعني اية ويفي ممكن اعرف
واية هو الفورمالين دة وبيعمل اية لو موجود ف الكيراتين