وصفه للشعر تخليه احلى من اللى مكوى وعن تجربه

انا يابنات بعد الخطوبه بتاعتى شعرى قشف بمعنى كلمه قشف مع ان شعرى دا كانو بيحسدونى عليه طبعا اللى جرالو دا جرالو م الصبغ والهاى لايت اللى عملهولى ف الكوافير غصب واقتدار المهم بقيت اسال هنا وهناك ع وصفات ترجع شعرى زى الاول كل حد كان بيديلى وصفه ع مزاجو اخدت من كل وصفه حاجه وعملت انا بقى ماسك من اختراعى للشعر بس قسما بربى وهــــــــــــــــم بس لو نمشى ع الخطوات بالترتيب وبحزافيرها واللى هيجرب انا متأكده انو هيدعيلى اولا بجيب عليه زبادى وعليها معلقه عسل ابيض عليهم معلقه سمنه بلدى سايحه او زبدا صفرا عليهم صفار بيضا وقلبتهم كويس اوى ويتحطو ع الشعر اينعم هما زفرين بس النتايج تخليكى تتحملى اى ريحه واحطهم ع شعر ع اد ما بقدر ساعات بنام بيهم والله البس بونيه بلاستيك وعليه ايشارب انا مش عاوزاه وانام خطوات غسيلو بردو مهمه هو لازم الاول يتشطف بمايه دافيه وتدفيها ع اد ما تستحملى بعدين تغسليها بالشامبو اللى انتى بتستعمليه انا عن نفسى بستعمل سباركل او بانتين لو جبت سباركل بجيب كيسين لو بانتين بجيب اربعه عشان صغير وبسيب الرغوه ع شعرى شويه وبدلكو كتير عشان طبعا الريحه وبعدين بشطفو وانشفو بفوطا بعدها بقا بيكون معايا كيس حمام كريم بانويل ابو 3 ج ويفضل يبقى بلخوخ عشان ريحتو احلى من اللى بلقمح بيتحط ع الشعر 5 دقايق بظبط واشطفى بعدها شعرك منو وسرحيه عادى بكريم او بزيت انا بردو عن نفسى بستعمل كريم دابر املا ب 12 ج من اى صيدليه المصرى وب 25 المستورد والاتنين تحفا بصراحه وتلفى شعرك طاقيه وتبيسه ملفوف بردو ع ما تقدرى نامى بيه واصحى بيه لو مش وراكى حاجه او لو مش جايلك ضيوف واتفرجى ع النتيجه الشعر بيبقا عامل زى المكوى بظبط واحلى كمان وهتشوفو
غيـــــــــــــــــــــــر منقـــــــــــــــــــــــول

ان شاء الله اجربه تسلم ايدك

تسلمى يا قمر بس ابقى قوليلنا عمل ايه معاكى[i]

تسلم ايدك ربنا يكرمك شكلك سكره وبتحبي تساعدني
الناس

تسلم ايديك يا قمر بس كريم بوناويل خوخ جربته بوظ ليا شعري وطلع مش حلو خالص

انا قلت حمام كريم مش كريم مع انو منتجات بانويل كلها جامده اصلا بس حمام الكيرم اللى بقولك عليه هو تريتمنت (علاج) للشعر مش حمام عادى

ثنكس يا نور دا انتى اللى سكره

ايوة انا قصدي حمام كريم بوناويل اللي بالخوخ عملته مرة مطلعش حلو علي شعري

تسلم ايديكى يا قمر

والله يا ساندرا انا مسبتش حمام كريم مستعملتوش بعد ما باظ شعرى ف الخطوبه بس بوناويل دا تحفا انا بحس انو بيغلف الشعر عموما ممكن هو بيختلف من شعر للتانى بس انتى ممكن تجربى اللى بلقمح هو حلو بس رحتو بعيد عنك زى البيرسول :lol: