حل مشاكل الشعر اكتبى مشكلتك وانا هرد عليكى

chancy كتب:انا شعرى تقيل بس مشكلته انه مقصف من قدااام ومش عارفه اعمله ايه؟؟؟
لو حد يعرف اسم سيرم لعلاج الشعر المقصف ياريت يفيدنى

فيه سيروم اسمه زيرو فريز
بس انا بفضل انك تعالجيه بالزيوت والحاجات الطبيعيه احسن من السيروم بيبقا حل مؤقت
جربى وصفة المحلب المطحون دا بيعالج التقصف
جربى تشترى زيت دابر املا الهندى او الخليجى او زيت فاراشوت واعملى حمامات زيت
الشعر لازم تعالجيه ف مدة6شهور عشان تتاكدى انه اتعالج تماما
مش من اول شهر او تانى شهر وتوققى الوصفات

انا شعرى ناعم وللاسف بينزل بطوله ومقصف
.

يا بنات مريانه مش موجوده حاليا انا هرد عليكم مؤقتا اولا شوشو بثي يا حبي القص ضروري جدا وكمان التغذيه السليمه التقصف ممكن من التسريح لازم تسرحي شعرك صح السقوط شوفي الانيميا والقشره والفطريات لو مفيش حاولي تجيبي حمام كريم بيوبوينت بالنخاع ولو بقي عايزه نتيجه تحفه اعملي وصفه النخاع الطبيعي
لحظات تامل انتى محتاجه كيراتين خالي من الفورمالين علشان في كذا مشكله والعلاج الطبيعي هياخد وقت طويل المساج لفروه الراس يا بنات مهمه اوي وبتدهنيه بايه اوعي تكونى بتدهنيه بزيت احلي دهان السيرم وعن تجربه زيرو فريز رائع ولازمحمام زيت اسبوعي ضروري جدا

انا شعرى ناعم وطوله كان متوسط بس مقصف وباهت وكمان خفيف قوى من قدام فرحت قصيته عند كوافيره انا نفسى فى حاجة تظبطه وتبينة مليان وعلى فكرة انا قصيته مدرج بلييييز ساعدينى

shosho isllam كتب:انا شعرى ناعم وللاسف بينزل بطوله ومقصف
.

بصى ياقمر قدامك حل من اتنين يااما تجيبى زيت توم وتعملى مرة ف الاسبوع وبكدا هيبطل يقع ويغزر او انك تغلى بصل وتوم ف ميه وتحطيها ع شعرك وتستنى ربع ساعه وتغسلى شعرك ودى هتعمليها كل مرة تغسلى فيها شعرك خلال شهرين هتتفرجى ع جمال شعرك

لحظات تأمل كتب:انا بئا شعري هيجنني ومش عارفه اعمل فيه ايه كل حاجه بجربها عليه والتحسن مدته مش بتزيد عن نص ساعه وبعدين يرجع لاصله
هو ف الشتا بيكون ناعم بس ف الصيف اعوذ بالله هايش ومقصف وبينزل وخفيف من قدام جدا والمشكله الاكبر انه الشعرايه رفيعه وجافه يعني لو شديته يمين يفضل واقف يمين مش انسيابي كده ومرن نفسي يتقل ويغزر ويطول ويطرا يعني انزل القصه تنزل كده على عنيا مش تقف زي الي عندها صرع وشكرا

بسيطة حبيبتى الشعر عشان يبقا ناعم لازم تعمليلو ماسكات هينعم جدا بس انا بفضل انك تعمليلو حاجة م الحاجتين ال هقولهم
يااما تخلطى كوباية زيت عافية او كريستال مع كوباية سمن روابى مع فنجان محلب مطحون وفنجان نوى تمر مطحون هتخلطيهم ف برطمان ازاز وكل مرة تيجى تستخدميها حطي البرطمان ف ميه سخنه الاول عشان السمن تسيح ويتخلطو وحطيه ع شعرك ساعتين واغسليه

او الوصفة التانية هتبقا كوباية زيت كريستال مع فنجان حلبه مطحونه ونفس الطريقة
بس انا بفضل الطريقة الاولى اقوى وبتخلى الشعر فعلا خيالى

خديجة محمد شحات كتب:انا شعرى ناعم وطوله كان متوسط بس مقصف وباهت وكمان خفيف قوى من قدام فرحت قصيته عند كوافيره انا نفسى فى حاجة تظبطه وتبينة مليان وعلى فكرة انا قصيته مدرج بلييييز ساعدينى

يابنات اللى شعرها خفيف تلحق تجيب زيت توم دا اقوى واسرع حل لعدم التساقط او تغلى بصل وتوم ف ميه لغاية مايغلوووووو جدا وتغطيها بكيس نايلون عشان البخار مش يطير ولما يبرد شوية تدهنى بيه شعرى وربع ساعه وتغسلى شعرك
الزيت لازم ميزيدش عن ساعه على الشعر الزيت لما بيقعد ع الشعر بيتسبب ف تساقط وتكسير الشعر
بس اهم حاجة التوم والبصل لانهم فعلا اسرع حل لتكثيف الشعر ولو بتحبى الحنه يبقا مرة ف الشهر واتفرجى ع كثافة شعرك

لو سمحتى عندى قشر كتير اوى و لما بستعمل نيوزرال بيخف كتير و أول ما ابطله يرجع تانى
طبعا مأثر على شعرى و بيقع ببشاعه و موش عارفه اعمل ايه

حبيبتى مساء الخير احب اقولك ان لازم تشوفي الاول انتى بتنشفي شعرك مثلا بالسشوار ولا بالبيبي ليس ممكن الطريقه اللي بتعملي بيها بتكسر الشعر وكمان السيرم اللي جربته ورائع زيرو فريز رائع وفي ناس كمان بينفع معاه شي حسب شعرك الاهم بقي تقويه الشعر من قدام وده بيكون باحمامات الزيوت الطبيعيه خاصه زيت الثوم والجرجير والزيتون لو عمليتيهم لكل اسبوع مره هيقوي وكمان هيقل تكسره واهم حاجه متشديش شعرك جامد لوري ولو محجبه حاولي متشديش الطرحه