نتخلص من شعر الجسم للأبد

نتخلص من شعر الجسم للأبد
نتخلص من شعر الجسم للأبد
طبعا كلنا بنضايق من الشعر اللى فى الجسم وطبعا انا ماسكتش فضلت اسأل لغاية مالحمد لله لاقيت الحل واحده كوافيره قالتلى عنها وجربتها لكذا عروسه ولنفسها كمان
و علشان خاطر عيونكم هاكتب الوصفه :-
طبعا هى طريقة الحلاوه التقليديه بس عليها شوية اضافات (دى بقى اللى بتقلل الشعر وتمنع ظهوره )
كوب ماء
كوب سكر
من العطار تجيبى حاجه اسمها فسوخ بمقدار حبة البندق
مستكه مطحونه بمقدار ربع ملعقة شاى
3 معالق شابه مطحونه+ نصف ليمونه
كل المقادير دى حطيها على النار وافضلى قللبى قللبى قللبى زى مابتتعمل الحلاوه بالظبط
وبس شيلى الشعر عادى وهاتشوفى ازاى الشعر قل من اول مره واذا لاقيتى طلع مره تانيه بعد فتره قصيره اعمليه تانى بنفس الوصفه
انا عن نفسى عملته اول مره وبعد شهر ونصف طلع تانى ده لأنى مشعره جدافعملت الوصفه تانى وشيلت الشعر ودلوقتى بقاله تقريبا 6 شهور مش شايفاله اى أثر رحت للكوافيرهقالتلى هو بيغيب اوى لمايبدأ يطلع وممكن يقعد سنه مايظهرش خالص وأذا ظهربعد السنه اعمليه تانى وهايقعد سنه وهكذا وفى مره مش هتلاقيه خالصمنقول

تسلمى يا قمر ع المجهود ربنا يجعله ف ميزان حسناتك ان شاء الله

بس دى ممكن تتعمل لكل الجسم ولا اماكن محدده

يسلموووووووووو مجهودك الرائع

تسلمى ياكوثر ياقمر بس ياروحى دى تنفع تتعمل للمناطق الحساسة؟

تسلمى على الطريقة دي يارب تجيب نتيجه مع الكل بس عايزة أعرف ايه هو الفسوخ وهل هو مطحون واللا يغلى مع المقادير وممكن للأماكن الحساسة

يا بنات الوصفة تصلح للجسم كلو بس نتفادى نحطها على الوجه والفاسووخ موجود عند العطار و بيكون صلب ل هيك لازم نطحن مزيان

يا رب ينفع انا بقالي اكتر من 10 سنين معملتش سويت بشتريها جاهزه
فا لو جابت نتيجه اكيد هقولك
ميرسي

ربنا يجزيكي كل خير يارب بس يارب الطريقه الطريقه دي فعلا تجيب نتيجه لحسن موضوع الشعر دا مشكله كبيره حتي انا فكرت وسالت علي الليزر بس خايفه يكون ليه اضرار في جهاز اسمه ريو صالون ليزر ياريت لو حد يعرف ان كان كويس اولا يفيدنا اسفه علي الاطاله

شكرا ياقمر بس انا مش فاهمة اية الفسوخ دة هو اسمة كدا ولا اية شكلة اية ؟