اكلة سريعة وخفيفة هتعجلك اووووى ادخلى بسرعة

ازيكم يا اميرات
هعملكم انهارده كوسه بالبشاميل
فعلا جربوها طعمها رااااائع جوزى بيموت فيها
تقريبا مش عايز ياكل الا كوسه بالبشاميل
نبتدى بسم الله
الكوسه حوالى كيلو يعمل صنيه متوسطه اعمليها مخططه كده بالجنب المشرشر بتاع المقوار او اى سكينه مشرشره
علشان يبقا شكلها حلو



وقطعيها حلقات



ويلا بقا زى الشاطره بصله كويسه كده وقلبى فيها الكوسه وشويه كركم علشان بيقوى الذاكره ومفيد
وملح وفلفل بس متسويهاش اوى علشان متعجنش كده ويفضل شكلها حلو



كده خلصت قصه الكوسه يلا ندخل على العصاج

عادى جدا بصله حلوه انزلى باللحمه عليها وفوقها عصير طماطميتين وملح وفلفل وبهارات ومكعب مرق زى متحبى
وده شكله بعد مخلص



اخر حاجه بقا تعملى بشاميل عادى
ويلا نرص الصنيه
شويه بشاميل فى الاول فوقها الكوسه



عليه العصاج



عليه البشاميل ورشه الفلفل الحلوه



وده شكلها النهائى اتفضلوا بالهنا والشفا



وزوووووووووووووووووم



وانتو عارفين بقا الدعوه الحلوه
والتقييم مش هتخسرى حاجه بس هتفرحينى

مع الف سلامه

تسلم ايديكي يا حبيبتي يارب يكرمك الله كنت بفكر اعملها قريتى افكاري بس بلاش تنقلي من فتكات لحسن بيضايقوا ويتخانقوا ههههههههههههه لو موضوعك اصلا مش مشكله ربنا يكرمك ياحبيبتى