نصائح لتقويه وصحه الشعر

يسعد صباحكم / مسائكم

اليوم حبيت اعطيكم بعض نصايح لشعر قوي وصحي

يلا نبدء بسم الله ...


*البعض يظن ان البيض يطول الشعر ويغذيه لا بالعكس البيض يسبب التهابات
الجلد ويتعب فروة والشعر ويسبب الخراج .

*كمان المايونيز قالو انه يرطب الشعر ويسيب عليه لمعه لا طبعا انا شفت العكس
يخلي الشعر يصير جاف ويتلفه ويسبب تساقط
وبذات لو كان شعرك جاف وتعبان يزيد الطين بله ويخربه

*الخل قالو عنه انه يسيب لمعه عالشعر بصراحه وبذات الشعر الجاف يجففه
ويتلفه ويتعبه فوق ماهو تعبان ويعني في بعض الصبغات الطبيعية اللي بالحنا
وطبعا تسوينها بيدك لازم تكون فيها خل وكمان قريت انو المقادير ثلاث ملاعق خل
فانا انصح للي شعرها جاف تحط ملعقة وحده عشان صحة شعرها.

*العسل هوا مفيد بعض الشي للشعر العادي والمختلط بس انه يتعب الشعر الجاف
ويجففه ويسبب له الخشونه والتلف فانا انصح اللي شعرها جاف م تستخدم العسل

*الزبادي مره كويس لترطيب الشعر وجميع انواع الشعر العادي والمختلف والدهني
والجاف وكمان اللي شعرها جاف انصحها قبل م تغسلين شعرك حطي زبادي على شعرك
وسيبيه عالاقل من 10-20 دقايق واغسليه راح يطلع رطب ومو ناشف ابدا ويسهل عليكي
انك تسرحيه.

*الزبدة مره مفيدة وحلوه وتنعم الشعر انصح فيه للشعرها جاف اما اللي شعرها دهني
فاذا حطيتيها لا تطولي الفترة اكثر شي 10 دقايق واذا جيتي تغسليه حطي ملعقتين خل وافركي شعرك فيها عشان ما تطلع دهون زيادة .

*قبل م تستشوري حطي سيروم كريستال او بديل الزيت عشان يحمي شعرك من الحرارة.

*لا تستخدمي الفير او السيراميك والاستشوار دايما الا وقت الضرورة مثلا عندك مناسبة
من الممكن تستخدميها واذا كنتي بالبيت وتبغين شعرك يكرن سرح وستريت بعد الشاور
اعملي حركة الطاقية اللي هيا تقسمي شعر الي قسمين بس من نص الراس يعني من الاذن للاذن وتبرمي كل قسم لحالو بعدين تعكسيها وتثبتي كل واحد مكان الثاني لو م فهمتوا اعملو بحث في الgoogle وهتطلع لكم بالصور .

*سوي كل يوم مساج لشعرك وهيا انك تقلبي شعرك على قدام وحطي راس اصابعك على فروة شعرك وابدي افركي بحركة دائرية على جميع اجزاء شعرك من5-10دقايق يوميا وبكذا تنشطو الدورة الدموية وتحفزو المسام على انها تنبت الشعر وتطوله اكثر.

*اذا حطيتي زيت في شعرك لا تكثري مره لانه راح يسد مسامات شعرك عشان كذا حطي شي بسيط في يدك ودلكي به فروه شعرك اكثر حاجه وبعدين ابدي تدريجيا انزلي على الاطراف وادهنيه .

*كل شهر في بدايته قصي اطراف شعرك لانها بتكون محروقه وتالفه اثار اجهزة الشعر مثل الفير والاستشوار والسيراميك وغيره من اجهزة.

*السدر م انصح فيه للي شعرها جاف راح يخشنه اكثر ويسيبه جاف اكثر.

;)