اكبر كتاب عربى دخل موسوعه غينس للرسول صلى الله عليه وسلم

[ندعوك للتسجيل في المنتدى أو التعريف بنفسك لمعاينة هذه الصورة]
ازيكم يااميرات

باختصار انا هتكلم عن الكتاب ده
لانى شوفتوا بعينى واشتريت النسخه المصغره منه

الكتاب ده فكره للدكتور محمد بن سعيد العولقى

احنا قابلناه بنفسنا لانه كان بيقابل الزوار بنفسه
ويسرا ومحمد اتصوروا معاه

هو قالنا انه فكر فى الكتاب ده اللى بيحمل اسم
هذا محمد صلى الله عليه وسلم
ردا على الاساءه للرسول الكريم صلى الله عليه وسلم

وقال ان كل واحد لازم يعمل حاجه عشان لما يقابل الرسول صلى الله عليه وسلم
يبقى حاسس انه قام بواجبه تجاه الرسول صلى الله عليه وسلم

وهو بيتبرع بجزء من قيمه الكتاب المصغر
لطباعه الكتاب بلغات اخرى عشان يوصل للعالم كله

وعن الكتاب هو صفحاته معموله من ماده زى القماش المقوى جدا

ووزن الصفحه
5
كيلو

وعدد صفحاته
429
صفحه

وهو صدر تحت رعايه
رابطه العالم الاسلامى
الهيئه العالميه للتعريف بالرسول ونصرته


وهو بيتكون من 8 فصول
تشمل
1- رؤيه عن قرب


2- محمد صلى الله عليه وسلم الانسان

3- يوم فى حياه محمد صلى الله عليه وسلم

4- اخلاق محمد صلى الله عليه وسلم

5- محمد صلى الله عليه وسلم والاخرون

6- محمد صلى الله عليه وسلم فى السلام والحرب

7- ماذا غير محمد صلى الله عليه وسلم فى امته

8- مرض محمد صلى الله عليه وسلم وتعامله مع المرض

الكتاب المصغر هو النسخه المعروضه للجمهور لاقتنائها
وفيها نفس محتوى الكتاب

ياريت اللى يقدر يشتريه يجيبوا او على الاقل ندعى لصاحب هذا الكتاب بان ربنا يسعده ويجازيه خير

وكل واحد فينا يراجع نفسه ويشوف لما يقابل الرسول صلى الله عليه وسلم هيقوله ايه

[ندعوك للتسجيل في المنتدى أو التعريف بنفسك لمعاينة هذه الصورة]


تحياتى

ما شاء الله ربنا يجعله في ميزان حسناته شكرا يا سارة

ياحبيبتى وشكرا لمشاركتك

ما شاء الله فعلا حاجه تشرف ربنا يجزيه خير ويجعله في ميزان حسناته

اللهم امين
نورتى الموضوع ياقمر