اجمل طريقه لتنقيه الأرز والثوم وذكر الله واستغفاره

اليوم وأنا بنقى الأرز كنت بنفذ طريقه جميله جدا فقلت لازم أفيدكم بيها وانا واخدها من علي النت وجربتها وبجد تحفه ولازم تجربوها مش هتخسروا لا بجد هتكسبوا كتير قوي

طبعا فى ناس كتير مش بتشترى الارز فى أكياس

لكن بتشترى الأرز فى شيكاره وطبعاست البيت

الشاطره تنقى الارز كل ما تيجى تطبخ بس

اليوم بقى قلت أقولكم أنا بعمل إيه

أول ما تفتحى شيكارة الارز تدعى وتقولى

بسم الله اللهم آتنا خير هذا الرزق وخير ما رزقتنا من أجله

وقنا شر هذا الرزق وشر ما رزقتنا من أجله

وتجيبى علبه بلاستيك

والطبق اللى بتنقى عليه الأرز

وتقولى بسم الله

ومع أول طبق تنوى وتقولى الطبق ده طبق الاستغفار

وطول ما إنتى بتفرى الرز وبتنقيه تستغفرى الله

هتخلصى الطبق تلاقيكى إستغفرتى الله يجى 100 مره

تحطى الأرز اللى خلص فى العلبه البلاستيك

وتجيبى الطبق التانى من الشيكاره وتقولى دا طبق الحمد

وتلزمى قول الحمدلله طول التنقيه

وتخلصيه تحطيه فى العلبه

الطبق اللى بعده طبق لا حول ولا قوة إلا بالله

والطبق اللى بعده طبق سبحان الله وبحمده

والطبق اللى بعده لا إله إلا أنت سبحانك إنى كنت من الظالمين

والطبق اللى بعده اللهم إغفر لى ولوالدى وللمؤمنين والمؤمنات الاحياء منهم والاموات


تيجى تلاقى نفسك خلصتى نصف الشيكاره

وبقى عندك علبة أرز مذكور عليها إسم الله فى كل حبه

وتسحبى الارز مع كل طبخه وعندك أرز جاهر بدل ما تنقى كل يوم أول بأول

وبعد ما تخلصى تقفلى الشيكاره كويس علشان ما يجى عليها حشرات وتكون دود

وتقفلى العلبه البلاستيك جيدا برضه

أما الثوم فنفس الطريقه كل راس ثوم تعملى نفس الموضوع هتلاقى علبة الثوم بقت مليانه وبذكر الله

عارفين لما نقعد نذكر الله وإحنا شغالين بتلاقى دماغنا إرتاحت لاننا كنساء عقلنا شغال على طول فى التفكير

أستحلفكم بالله قولوا رائيكم بصراحه