اضحكي وضحكينا معاكي

بصوا يا بنات كل واحد يفتكر اي موقف يضحك في الحياه يكتبه اي حاجة .في الحياه العامه او الخاصة اي موقف يوم فرحك يوم خطبتك يوم مع اصحابك في الكليه في خروجه اي موقف اكتبيه خلينا نضحك شويه وانا هبداء.

مره كنت خارجه انا وخطيبي وماشين في الشارع بتاع بيتهم عادي جدا لقيت في كلب كدا علي جنب الكلب قاعد في حاله جيه خطيبي واحنا ماشين قدامة بالظبببببط سبني وطلع يجري وانا لقيتلكم صوت الكلب بقي زي الجرس في الشارع ووقفلي كدا زي الاسد وانا تنحت زي التمثال مكاني وخطيبي واقف هيقع من الضحك وانا هموت واعدي من قدام الكلب بس الحمدلله طلع كلب صوت بس متحركش من مكانه الحمدلله

ههههههههههههههه الله يكون في عونك

شوفتي بقي يا ام يوسف اللي مستحملاه انتي معندكيش مواقف مضحكة ولا ايه يلا افتكري اي موقف وضحكينااااا معاكي

ههههههههههه حلوه جدا بس الله يكون في عونك انا لو مكلنك كنت موت بازمه قلبيه

بوصي انا بقي ايام الجامعه انت عارفه بقي اصحاب بنات وشباب وفي يوم مروحين وريحين نركب اتفقت انا وواحده صحبتي علي مقلب في واحد صديق لينا جينا قبل المتروفي منشيه الصدر بشويه فيه محلات وورشه وقدامها مشينا قدام شويه وهو بينادي علينا عملنا انه بيعاكسنا وهو مصمم يكلمنا وطبعا مش فاهم فيه ايه الا ولقي العمال خارجين عليه بيزعقو ليه وبص علينا احنا بنضحك وطبعا اتحرج وثبت مكانه بقي زي التمثال ووجه بقي لونه اصفر لا داهه كان بالوان الطيف كلها وشويه واعتذر للناس وقال ليهم انا بشبهه مش بعاكس وكلنا متنا من الضحك بس ايه كان عايز يموتنا ساعتها ويرمينا تحت المترو بس ضحكنا ضحك وهو نفسه ضحك

ههههههههههههههههههههههه ده كان ممكن يتفرم فيها دي كويس انه لحق نفسه وقالهم بشبه

لا ماحنا مش اندال مش كنا هنسيبه كنا هنتدخل وقت الزوم بس اهي بقت ذكري جميله بنفتكرها

هههههههههههههه بصراحه الا الكلاب بموت منها بجد بس الكلب ده شكله اخره هوهوه ههههههههههههههه طلع علي مفيش حظك حلو انا مش فاكره موقف دلوقتى بس اول ما افتكر هدخل احكي لكم علطول ان شاء الله

موضوع جميل زيك
ربنا يسعدنا جميعا
مفيش حاجه فكراها دلوقتى
بس يمكن افتكر
وع العموم انا متابعه معاكم الموضوع الجميل ده
تسلم الايادى

يارب يخليكي يا roro > تشرفينا في اي وقت .