سلطة الفراخ بالمكرونه و مترميش بقايا الاكل

سلطة الفراخ بالمكرونه و مترميش بقايا الاكل



لو عندك أكل لسة متبقي من إمبارح ابتكري وإعملي منه أكلة جديدة وبكده تكوني وفرتي وكمان الإسبوع ده جيبنالك وصفة مبتكرة ممكن تعمليها من بواقي الأكل!!

سلاطة فراخ بالمكرونة

مدة التحضير: 15 دقيقة
مدة الطهي: 20 دقيقة
تكفي: 4 أفراد

القيمة الغذائية لكل فرد
السعرات الحرارية: 372.8
الدهون:12.71 جرام
الكاربوهيدرات: 47.92 جرام

المقادير
1 كيس مكرونة مسلوقه
2 ملعقة كبيرة زيت زيتون
3 صدور دجاج مقطعة شرائح طولية
2 فلفل ألوان مقطع قطع صغيرة
1 بصلة صغيرة مقطعة
2 فص ثوم مفروم
1 كوب ماء
2 مكعب مرقة الدجاج ماجي
1/4 كوب خل بلسمي
1 ملعقة صغيرة روزماري
1 كيس خرشوف مقطع قطع صغيرة

طريقة الطهي
• تبلى شرائح الفراخ بالملح و الفلفل ثم شوحيها فى ملعقة واحدة من زيت حتى نضجها، ثم انشليها واتركيها جانباً.
• ضعي الملعقة الثانية من زيت الزيتون وقومي بتشويح قطع الفلفل الألوان مع البصل والثوم .. حتى تذبل، ثم ضعيها على شرائح الفراخ السابق إعدادها.
• ضعي الماء ومكعب مرقة الدجاج ماجي والخل والروزماري في الإناء واتركيهم لبضعة دقائق حتى الغليان .. أضيفي قطع الخرشوف والمكرونة السابق إعدادها .. اتركيهم لبضعة دقائق.
• قومي بتقليب خليط شرائح الفراخ مع خليط المكرونة بالخرشوف .. ضعيهم في طبق التقديم.

نصائح للطهي
لا تتركي الخرشوف على النار فترة طويلة حتى لا يتم طهيه زيادة عن اللزوم.
يمكن تحضير الخرشف و الفراخ من يوم سابق
يمكن استخدام بواقى فراخ مسلوق او مطهيه فى الفرن ثم قومى بتشويحها مع قطع الفلفل الالوان
يمكنك استخدام فلفل الوان قمت بتخزينه فى الفريزر و لكن احرصى ان تقطعيه و هو مجمد ثم قومى بتشويحه مع الفراخ .