اقتراح وبس ممكن تقولوا رأيكم

اولا ازيكم يا احلى اميرات
انا عندى اقتراح قابل للنقاش والتفكير مع بعض فيه
بعد ما كليوبترا الجميله عملت لنا الكارنيهات الحلوه قوى
وفيها خانت المهنه
فابقترح ان احنا نعمل جوه الجروب جروبات فرعيه صغنونه
بتضم كل مهنه مع بعض بحيث ان برضوه الجروب تبقى فيه حاجات جديده
بين الترفيه والوصفات الجميله والمواضيع الحلوه يبقى فى شويه كلام عن المهنه
وخاصتا انى لاحظت ان فى كتير قوى طالبات فممكن يستفيدوا عن طريق انهم
يسألوا اصحاب الخبره فى مجالهم
وممكن كمان انا اكون عايزه اعرف معلومه فى اى مجال تانى غير مجالى
فاقدر الاقى اللى يفيدنى
سمحونى انى طولت عليكوا
ياريت متبخلوش عليا برأيكم

اه يا ريت بجد انا عملت جروبات قبل كده هتلاقيها في الجروبات للعضوات للمخطوبين وكليه الحقوق كنت هكمل بس ملقتش اقبال وكمان كنت عايزه نعمل جروبات لكل جامعه وكل نادى علشان نتعرف اكتر ممكن تعملي صحاب من نفس الكليه او النادى او نفس المهنه بجد هتبقي حلوه انا هعمل موضوعك استفتاء علشان عايزه بجد اقبال علشان الاقسام التانيه نايمه اوى بس هحاول انشطها شويه
وطبعا انا معاكى جداااااااااااااا وفكره تحفه قولي المجموعه اللي انتى تحبيها اعملهالك

حقيقى انتو منتدى رائع ومفيد وانا مش عرفة لية كنت مشتركة من فترة لكن لسة من كام يوم بس بدأت اتابع المهم تحياتى لكل اميرة على كلمكم ههههههههه

يا ريت

choocolett كتب:حقيقى انتو منتدى رائع ومفيد وانا مش عرفة لية كنت مشتركة من فترة لكن لسة من كام يوم بس بدأت اتابع المهم تحياتى لكل اميرة على كلمكم ههههههههه

نورتينا يا حبيبه قلبي كان لسه جديد بس مكنش في مواضيع كتير وكمان ربنا كرم المنتدى ده بصحبه رائعه وبايد البنات القمرات احلي بنات في الدنيا واحلي اميرات وروح الحب الجميله يارب تدوم يارب

فعلا والله المنتدي بقا نشيط اوي ماشاء الله وكمان اللي حاسه بجد اني عملت فيه شيء مفيد

هو الدليل اللي انا عملته دا يعتبر افضل حاجه ليا في المنتدي هو اثره مش باين للاعضاء العادين بس بجد من بعد ما اتعمل والمواضيع كلها في الاقسام دي بقا الاعضاء بيردوا عليها بسهوله بدل الدوخه بدون جدوي

أناكمان حابه الفكره قوي وياريت...وعلي فكره بالفكره دي هيكون البحث فالمنتدي أسهل وأجمل وبالتالي هيرتقي النتدي ويكبر وده اللي بتمناه لمنتداي الغالي

والله عايزه اعمل لكل الاقسام بس الدليل مجهد شويه في عمايله بس ادينا بنحاول

انا بشكر كل الاميرات اللى اهتموا وردوا وبجد بشكرك قوى ياكليوبترا لانك عملتى الاستفتاء ده بشكل جميل جدا ونتمنى انه يتنفز فعلى بان كل واحده تقول اسم مجموعه او اكتر عايزها تتعمل وانا هبدأ مثلا وهطلب جروب لاطباء الاسنان بما انى منهم وكمان جروب المغتربات برضوا لانى منهم وعشان نهون على بعض الغربه شويه وكمان مره شكرا ليكوا