حواديت زمان هنا وبس

صلوا على النبى

عليه افضل صلاة وسلام

وانا قاعده دلوقتي علي المنتدي
من ساعه ما صحيت طبعا وانا قاعده روحت
حسيت اني جعانه قومت اعمل كفته عادي اختكم جعانه
وهتاكل وانا بحمر الكفته وقلت يا بنت يا
نونا اعملي كوبايه عصير ليمون ادلع نفسي
بعد مشروب العذاب اللي بعمله واشربه يوميا
علي الريق عشان بطني جت في بالي الفكره دي
وهي حواديت زمان

كان ياما كان فى قديم الزمان

حكايات وحكايات من اجمل القصص

من الجدات


اااااااالله حتى وانا بحاول افتكر كان زمان

جميل اوى


حتى الحكايات متهيالى دلوقتى قليل

اوى ان ام تحكى حدوته لولادها او جدة

هههههههههههههههههههههه


هما فاضين اساسا اهئ اهئ

طيب يالله محدش يدخل بايده فاضيه


كل حد يحكيلنا حدوته من حواديت زمان

سندريلا والشاطرحسن وامنا الغوله

وووووووووو كل الحودايت الى افتقدناها

من الاخر هنعمل

موسوعه لحودايت زمان

وننزل كل الحودايت القديمه ونستمتع

بيها ونحكيها لولادنا او اخواتنا


وانا اول واحده هحكيلكم حكايه
جدتى الله يرحمها كانت بتحكيلى حكايه ييجى كده من 50 قصدى 17سنه عن( ست الحسن والجمال )
بتقول الحدوته ان ست الحسن والجمال كانت بتملا مياه من البير والمشكله ان امنا الغوله كانت قاعده عند البير ولما راحت البير دار هذا الحوار بينهما
امنا الغوله : ايه رايك فيا ؟
ست الحسن : جميله اوى يا امنا الغوله
امنا الغوله:ايه رايك فى شعرى
ست الحسن: جميل اوى يا امنا الغوله
امنا الغوله : يحليلك دنياكى يا بنتى .
وقالتلها انزلى البير املى يا بنتى ودعيتلها قائله : يا بير يا بير اديها فلوس كتير يا بير يا بير اديها ذهب كتير ولما رجعت بيتها كانت كل ما تيجى تتكلم ينزل من فمها ذهب او فلوس مما اثار غيرة بنت زوجة ابيها ولما عرفت ان ده حصلها لما راحت البير قالت انا اللى حروح البير غدا وبالفعل عندما ذهبت قابلت امنا الغوله ودار هذا الحوار
امنا الغوله : ايه رايك فيا ؟
الفتاه : شكلك مخيف ومرعب
امنا الغوله : ايه رايك فى شعرى ؟
الفتاه : عامل زى المقشه وشكله مقرف
امنا الغوله : يقرف دنياتك يا بنت
وقالتلها انزلى البير املى ودعيتلها قائله يا بير يابير اديها صراصير كتير يابير يا بير اديها طوب كتير ولما رجعت بيتها كانت راجعه بالقرف كله
وتوته توته فرغت الحدوته حلوة ولا بتوته
شوفت الكلام الحلو بيجيب الحلو كله والوحش انتوا عارفين
عاوزه تفاعل
وانا اكتب لكم حواديت حلوه

عليه افضل الصلاه والسلام

الله الله الله تصدقى يا نور بجد تحفه هعمل قسم مخصوص ليكي بجد وننزل كلنا عندى فقر في القصص حتى لو حبيت احكي للاولاد مش بعرف هههههههههههههه هعمل قسم وانقله وربا يقومك بالسلامه وترجعى وتحكيلنا ونسميكى شهرذاد المنتدى
فكره جامده جدا

الله ان بحب القصص دي قوي في انتظار المزيد وحاحاول اجيب قصص ان شاء الله علشان الكل يستمتع بحبكوا قوي ياحلي منتدي

كليوباترا شكرا يارب يخليكي ليا ويخليلي افكارك
انا بحب الحواديت جدا جدا واخويا الصغير لما عرف قالي كل يوم حدوته
مش ليا دعوه وماما ماصدقت عشان محمود كان بيطلع عينها
انشاء الله كمان اجيب حواديت هادفه عشان الاطفال
وخمسه كده وانزل حدوتين حلوين
maha salah يشرفني طبعا ردك وانك تشاركيني الحواديت دي
اسألي جدتك اي حد كبير والحركات دي
فاصل وراجعه بحدوته انا بحبها

حدوتة : الفلاح والزرع..
كان يا ماكان فلاح عجوز عنده حتة ارض , ومتعود يزرعها والارض تطلع حب وفول وشعير , وكل اللى يزرعه الفلاح يطلع كويس وتمام , وكان فى بلد الفلاح بير ميه , بياخد منها الميه , ويسقى الارض ...
وفى يوم من الايام راح الفلاح بعد ما دفن الحبوب فى الارض , راح للبير يجيب الميه لكن لقى البير مافهوش ميه , فقعد يفكر هيعمل ايه , وهيجيب لعياله اكل منين دا الزرع اللى بيزرعه هو اللى بياكل منه هو وعياله , ففكر وقرر انه يروح لحد غنى يساعده , فراح للتاجر , وخبط ع الباب لقى التاجر مش موجود , لانه راح يطلب مساعده من كبير التجار , فقال لما التاجر رايح للي يساعده , انا كمان اروح لكبير التجار بدل ماطلب من التاجر اللى محتاج مساعده ...فراح لكبير التجار لقيه مش موجود لانه عند الوزير بيطلب المساعده , فقال اروح للوزير اطلب منه المساعده , مالقهوش موجود لانه عند السلطان بيطلب المساعده , فقال اطلب من السلطان , وراح للسلطان فتحوله الباب لقى السلطان قاعد على سجادة الصلاه ورافع ايديه للسما وبيقول يا رب ساعدنى , وراح باصص للفلاح وقال : اامر يا فلاح , محتاج ايه؟
فضحك الفلاح وقاله : انا مش محتاج منك حاجه .. انا هطلب من اللى انت طلبت منه , ورفع ايديه للسما وقال : يارب ساعدنى انا حرثت الاض , وزرعت الحب , ومش لاقى الميه ... يارب ساعدنى ...
راحت الدنيا مطرت مطر شديد , والزرع شرب الميه , وطرح حب وفول وشعير ...

الحكمه من الحدوته , لانه دى اهم حاجه كانت بالنسبه لوالدى : لا تعتمد على احد غير الله , لانه اكبر من كل شىء , وهو اللى عنده مفاتيح كل شىء تتمناه..
وتوته توته فرغت الحدوته .. حلوه ولا ملتوته...
حبه كده واكتب لكم كمان حدوته يا حبايبي

النملة الشقية



النملة لولو لا تسمع كلام الملكة ..

أمرتها الملكة أن لا تتأخر بالعودة إلى المملكة ...

لكن لولو لم تكن تهتم بأوامرها ..

في يوم شعرت الملكة أن الليلة ستكون عاصفة ..
أمرت النمل بالعودة قبل الغروب ..

النملة لولو لم تهتم .. أمرت الملكة الحرس بإغلاق باب المملكة عند غروب الشمس .. والنملة لولو لم تصل بعد
لولو وصلت متأخرة .. رفض الحرس فتح الباب ..

خافت لولو .. كيف تقضي الليل في العراء ؟!

لصقت جسمها بالباب فأحست بحرارة الداخل .. بدأ الريح يشتد والبرودة تزداد و الغيوم تتكاثف .. رأت شعاع
البرق وسمعت صوت الرعد ..

فكرت أنها ستموت من البرد و المطر سيحملها بعيدا ..

صارت لولو تبكي ..

الملكة تراقب ما يجري من مكان مرتفع دون أن تراها لولو ..

بدأ المطر ينهمر .. تأكدت النملة لولو أنها ستموت ..

أمرت الملكة الحرس بفتح الباب .. حملها الهواء إلى الداخل بقوة ..

طمأنت الملكة لولو .. شعرت لولو بالدفء والسكينة ..

تعلمت النملة لولو عاقبة الشقاوة وعدم الاستماع إلى ما تقوله الملكة ..

النملة لولو لم تعد شقية .. لأنها نملة ذكية تتعلم من أخطائها فلا تكررها

اه ياريت يسمعوا الكلام بقي هههههههههههههه احسن يحصلهم زى لولو

عندي حدودتة الكتكوت النساي سمعتها زماااااااان من ابلة فضيلة كان ياماكان ومايحلي الكلام الا بذكر النبي عليه الصلاة والسلام كان فيه كتكوت بس نساي اوي ماما تقوله قولت صباح الخير لماما يقولها نسيت يا ماما مش هنسي تاني ومرة ماما الفرخة قالتله روح هات القمحة من الغيط يروح الكتكوت ويرجع ماما تقوله جبت القمحة نسيت ياماما مش هنسي تاني وف يوم من الايام كان المطر شديد راحت ماما قالته روح ياكتكوت قول للست الفلاحة سقف العشة هيقع يروح الكتكوت وف الطريق تقابله المعزة رايح فين ياكتكوت رايح عند الست الفلاحة تقوله ليه يقولها ماما قالتلي اخ نسي الكتكوت ماما قالتله ايه يقولها البتاعة اللي الفوق ديه تقوله السما يقولها ايوة هتقع والمعزة خافت وحصلت هيصة بقي والكل يخاف وبعدين الشمس تتطلع والجو جميل يجي السلطان يقول مين اللي قال السما هتقع يقولوا الكتكوت يجي الكتكوت ليه قولت السما هتقع يقولي ماما هي قالتلي هاتوا ماما الفرخة تقوله انا قولت سقف العشة هيقع مش السما يقول الكتكوت ايوة يا ماما هي ديه والكل يضحك ع الكتكوت والكل يزعل من الكتكوت والكل يزعل من النساي ويقول الكتكوت حرمت يا ماما مش هنسي تاني ياماما وتوتة توتة فرغت الحدوتة حلوة ولا ملتوتة

عليه افضل الصلاه والسلام
حلوه بجد تسلم ايديكى وتسلم ايد نور علي الفكره الحلوه ديه بجد انتم احلي بنات

amira ismail حدوته جميله تسلم ايدك

كليوباترا حدوته عسل وانا بحب الحواديت
وشكرا ليكي يا اميره وشكرعلي الدوته عسل والله

حدوته انهارده يا حلوين
الارنب الطماع

كان يا ماكان فى سالف العصر والاوان راجل فلاح , عنده ارنب وحمار , وكان يخرج الفلاح فى الصبح بدرى , ويرجعلهم باكلة (البرسيم) , ويقول : كل يا ارنب .. كل يا حمار ., بس الارنب طماع بسرعه ياكل من ناحية الحمار قبل ما ياكل من ناحيته , ويقول للحمار : ايه دا يا حمار بالراحه الاكل ماتاكلش بسرعه , وتخلص كل الاكل , والحمار يستغرب هو ليه الارنب بيقول عليه كدا ليه ( علشان طماع ) بس الحمار مايعرفش انه طماع , ويخلص الارنب كل الاكل , وبالليل وهو قاعد ويا الحمار قال الارنب : هحكيلك حدوته .
فرح الحمار وقال : ايوه احكيلى .
قال الارنب : كان يا ماكان زمان كان فيه حمار شاطر , كان صحيح حمار لكن كان اشطر الشطار , كان صاحبه ياخده يربطه فى الساقيه وهو حمار بقى يلف شغال فى الساقيه .. يحط الفلاح عليه الاوزان , وهو حمار بقى يشيل مايقولش لاء , يربطه الفلاح فى المحرات , وهو حمار بقى يشد المحرات..
وكمل الارنب وقال : لكن كان هو صحيح حمار , لكن كان اشطر الشطار , ومره واحده الحمار اللى هو اشطر الشطار قام حادف نفسه , ووقع نفسه جوا البير , وجه الفلاح يشيله , وينيمه ولا يحطه فى ساقيه ولا فى محرات , ولا يحط عليه اوزان , وكل يوم يجبله الاكل لحد عنده وياكله الاكل فى بقه , والحمار مرتاح ومش تعبان ولا بيشيل ولا بيحط , وبس بياكل....
وتوته توته والارنب خلص الحدوته .
قام الحمار قاله : انا كمان لازم اكون اشطر الشطار , وتانى يوم مره واحده راح حادف نفسه جوا البير , والحمار الخايب راسه اتخبطت جوا البير , ورجليه اتكسرت عشان خايب وسمع كلام الارنب الطماع , راح جه الفلاح وجرى عليه وشاله من جوا البير , والارنب كان فرحان وسعيد خلاص دلوقتى الحمار مكسور وهيقدر الارنب ياكل كل الاكل , وكمان يمكن الحمار يموت , والارنب ياخد راحته على الاخر فى الاكل.
والفلاح قال : لازم نجيب الدكتور , وجه الدكتور وقال : الحمار ضرورى لازم يشرب ( شوربة ارنب) , ولو ماشربش (شوربة ارنب ) الحمار ساعتها لازم هيموت , والفلاح خايف على حماره اللى بيزق الساقيه , ويشد المحرات , ويشيل الاوزان , ويقوم يجرى ورا الارنب الطماع, والارنب الطماع يجرى , يمسكه الفلاح ويعمله (شوربه) يشربها الحمار ويروق .... ومن يومها والحمار مايسمعش اى حدوته يقولها اى (مكار).

الحكمه من حدوتة اليوم : ( اياك والطمع لانه الطمع بيخلى صاحبه ايه ؟ ( شوربة ارنب) ) والي القاء في حدوته جديده

حلوه اوى الحواديت دى جميييييييييييله انا بموت فى الحواديت بتاعه زمان دى اوى كانت ستو بتحكيلى كتيييير اوى بس نسيتها ههههههههههه انا هعد مع نفسى شويه كده واول ما افتكر اى حدوته هكتيها هنا ع طول