إزاى تهتمى بالمنطقة الحساسة فى أيام ال periods

بسم الله الرحمن الرحيم
حبايبى كل سنة وإنتم بألف خير ورمضان كريم علينا وعليكم يارب

فى أيام ال periode (الدورة الشهرية) بنلاقى الأمهات والجدات بينصحونا بلاااااااااش الاستحمام فى الأيام دى وكتير مننا بيطنش وما سألش نفسه بلاش ليه؟
وأنا واحدة منهم كنت بستحمى 2 فى اليوم الصبح وبالليل أيام ال periode طبعا عشان النظافة والريحة الكريهة وكلنا عارفين كدة وكمان البيكتيريا
لكن دلوقتى لااااااااااا عارفين ليه؟
اللى عرفته إن لما بنستحم فى الايام دى إيه اللى بيحصل؟
الدم الفاسد دة اللى خارج من البويضة بيرجه للجسم تانى ومش بينزل
ومرة على مرة بيعمل سرطان الثدى وسرطان للجلد بعد الشر عليكم وعلينا

المهم فكرت أعمل إيه عشان أحل المشكلة دى خصوصا فى الصيف والحر فكرت فكرت لحد ما وصلت لطريقة رووووووووعة أنا كدة طولت عليكم المهم الطريقة

1- إستعملى غسول شخصى للمنطقة الحساسة (أنا بستعمل غسول oriflame & avon ) مرتين كل يوم أو قبل كل مرة بتغيرى فيها الفوطة

2- بعد ما تغسليها بالغسول كويس نشفيها كويس جدا

3- إفركيها بليمونة يعنى تدهنى بين الفخذين بعصير الليمون وتسبيه لحد ما ينشف

4- رشى عليها خليط من بودرة أطفال + مسك أبيض مطحون

5- بعد كدة !! ههههههههه خلاص تلبسى الفوطة النظيفة

على فكرة كمان ما ننساش نعمل كدة تحت الابط كمان

النتيجة :
هتحسى بانتعاش من غير إستحمام
مش بس كدة الليمون هيفتح المنطقة دى بالاستمرار لأن البيكتيريا وعدم النظافة هما السبب لإسمرار المنطقة
البودرة كمان روعة بتفتح وبتقلل الاحتكاك اللى برضه سبب للإسمرار وكمان المسك مطهر

حبايبى هى دى وصفتى يارب تعجبكم
بس بالله عليكم تدعولى من قلبكم

ربنا يبارك فيكى يا نور بجد انتى انسانة رائعة وكل المواضيع الى بتكتبيها دايما الاحظ اهتمامك بها وصدقك فى نقلها وهذا يدل على انك تحبين استفادة غيرك وعلى فكرة دة طبع انا برضة فيا الطبع دة والحمد للة ببقى مبسوطة جدا لما اعطى احد معلومة مفيدة وينبسط منها بجد ببقى مبسوطة اكتر من ان انا عرفت المعلومة دى ربنا يبارك فيكى يا نور ويبارك لك فى قلبك الطيب دة

basma negm شكرا جدا علي مشاركتكوشرفتيني بردك وسعيده جدا
بكلامك وانتي حبيبتي شكلك كميله خالص وطيبه ربنا يبارك فيكي
وعاوزينك تفيدينا بمعلوماتك

ربنا يكرمك يا نور بس يا بنات انا سمعت كتير بس انا مش مقتنعه بموضوع ان الاستحمام بيعمل كده النظافه لا يمكن انا سمعت كتير بجد هحاول ادور علي ان الموضوع ده ليه اصل علمي ولا لا لازم نتاكد بس تسلم ايديكى يا نور الاعتناء طبعا مهم اوى والطريقه جميله جدا ربنا يكرمك يارب ويجعله فى ميزان حسناتك

نور بجد انا بحبك في الله ربنا يكرمك ويزيدك وتزيدينا ان شاء الله لانك دايما مهتمه بموضوعاتك وازاي العضوات تطور من نفسها للاحسن بجد انتي سكره

موضوع رائع طبعا بس انا مش مقتنعة بعدم الاستحمام دة بصراحة سورى لنقدى بس خلينا نبعد عن الوصفات فى المواضيع الحساسة دى ودايما نلجا للدكاترة افضل
شكرا

يا جماعة انا فكرة كويس جدا واحنا فى اعدادى كان فى كتاب مادة الاقتصاد والتدبير المنزلى مكتوب ينصح الاطباء بالاستحمام اثناء الدورة الشهرية لانه بينشط الدورة الدموية لباقى الجسم يعنى الدم يتوزع على باقى الجسم بدل ما كله يفقد
لانى كنت بخاف استحمى ومن ساعة ما قريتها وانا بواظب عالاستحمام كل يوم اثناءها

موضوع جميل يانور بس انا كمان مش مصدقه موضوع الاستحمام ده مع ان فى ناس كتير بتقول كده
و شكرا ليكي



Uploaded with ImageShack.us

توبيك تحفا ربنا يجازيكى خير عننا