حصري لوصفات كليوباترا زيت الحشيش استعماله والتفرقه بين الاصلي والتقليد

اكتشفت التالى :

خدوا بالكم ان السوق نازل فيه نوعين فعلا لزيت الحشيش وده اللى اكتشفته مؤخرا
النوع الاول النوع الكويس اللى هوا مصنوع من الحشائش الخضرا فعلا
وده بيعمل على اطاله الشعروعن تجربه شخصيه منى انا وعلبته لونها اخضر غامق بتيجى مستورده من الامارات ومتبرشمه ومعاها روشته لكيفيه استعمال الزيت
وده بيكون تمنه فى حدود تمن اى زيوت عاديه للشعر فى حدود التلاتينات
ودى صوره لزيت الحشيش الاصلى الكويس


كمان خدوا بالكم لونه اخضر غامق الزيت وتقيل شويه مع العلم انى استخدمت ده فعلا وعجبنى وكويس ويطول فعلا ويتقل

حصري لمنتدى وصفات كليوباترا
بالنسبه للاستعمال وده من الورقه اللي في العلبه من عندى انا كليوباترا في البيت هنقلهاكم :
اولا :للتطويل والتكثيف وتقويه البوصيلات


تدعك فروه الراس جيدا برفق ويدهن الشعر من منبته حتى اطرافه ويترك من 5 الى 7 سااعات وذلك لمده عشره ايام متتاليه ثم بعد ذلك يومين في الاسبوع

ثانيا :لعدم التساقط وضد القشره ولتنيط الفروه
يوضع ربع فنجال صغير من الزيت فى اناء ويسخن لمده 5 دقائق ثم يترك حتى يبرد وتدعك به الفروه جيدا ويترك من 6 الى 8 ساعات ولمده 5 ايام متتاليه وبعد ذلك يومين في الاسبوع

ثالثا :للتنعيم والفرد
تدعك فروه الراس والشعر باكمله بقليل جدا من الزيت ويترك 3 الى 4 ساعات ثم يغسل جيدا بشامبو مره واحده في الاسبوع
ده الاصلي ومعاه ضمان ورقه مكتوب فيها الشركه واللي هيثبت ان الزيت غير طبيعى ليه خمس الاف دولار معاه مكتوب الكلام ده وفعلا بصراحه هو تحفه معايا



*اما بقى النوع التانى اللى هوا زيت الحشيش اياه فده بيكون سيء جدا للشعر
وناس كتير استعملته لشعورهم ادى الى تساقط الشعر بطريقه فظيعه
والجفاف والخشونه
غير كده يا جماعه تمنه فعلا غاااااااااالى جدا جدا وبيوصل فى حدود المئات من الجنيهات
وانا بحذركم منه ولون علبته اخضر فاتح
ودى صورته

الان ياتي حكم زيت الحشيش ؟؟
اتفق العلماء على تحريم الحشيش؛ لأن تناوله يؤدي إلى نوع من التخدير وإضاعة العقل، أما استخدام زيت الحشيش في شعر الرأس فيمكن أن يأخذ حكم التحريم فيما إذا كان جلد الرأس يمتص هذا الزيت ويؤثر بالتالي على النشاط العقلي وعلى الوعي الذهني. أما إذا كان استخدامه لا يؤدي إلى هذا الأثر فهو باقٍ على أصل الإباحة، ومثل هذا الأمر يُسأل عن معرفته المختصون من علماء الطب أو الكيمياء، فإذا قالوا بأن استخدام هذا الزيت لشعر الرأس يؤدي عادة إلى نوع من التخدير الموصّل إلى ضياع العقل يكون حكمه حينئذ التحريم، وإذا قالوا بأنه لا يؤدي عادة إلى مثل ذلك، يكون مباحاً.

وهنا يكون استخدام زيت الحشيش حلال بإذن الله تعالى لأن الأطباء المتخصصون أثبتوا بانه ليس له أي اثر سلبي على الانسان في ذهاب العقل وغيره .
وحبيت افيدكم بهذا الكلام لأنه كثر الغش والتزوير فيه والأختلاف في الحكم والرأي ,الله الموفق

شكرا يا قمر على الوضوح
وعى فكرة الزيت الاصلى موجود فى الصيدليات الكبرى بالقاهرة والمحافظات

بجد معلومه مهم اوى يا دودو انه موجود في الصيدليات مكنتش اعرف الله تسلم ايديكى انا جيباه من اسوان ومرسي مطروح مره منهنا ومره من هنا
شكرا يا قمر علي مرورك

ميرسى ياكليوباترا بس انافعلااستخدمته وطول شعرى فعلا لكن كنت بحطه على اورتى لان الشعرفيها خفيف واصفر وبيسحب لورا لكن للاسف زيت الحشيش معملش نتيجة فى المشكلة دى اعمل ايه؟

انا عايزه استعمله لان خطيبي بيحب الشعر الطويل بسانتوا بتقولو انه بينشف الشعر وانا خايفه من كدا

يا جماعه انا جبت الزيت الاصلى وسخنته زى ما قالو الزيت ولع والنارع كانت هتحرقنى وخفت استعملو