من مطبخى كريمة الشيكولاته بالبندق ( النوتيلا )

انا شفت الطريقه دى فى التلفزيون وجربتها وطلعت سهله ونتيجتها تحفه فقلت اجيبهالكم
انا عندى البنات بيحبوها جدا ومتعودين عليها فى الفطار ولسندوتشات المدرسه

ودى بتتميز عن الى بتيجى من برا اولا اوفر بكتير فى التمن بتوفر اكتر من نص التمن
ثانيا وده الاهم انك ضامناها وعارفه مكوناتها ولا فيها الوان ولا نكهات ولا كل الحاجات الى و لادنا بقو بياخدو منها كميات ربنا يستر عليهم منها عشان كده انا بحاول اعمل كل الحاجات دى فى البيت

ندخل بقى فى الطريقه



المقادير دى حتملى برطمان 400 جرام

50 جرام بندق
50 جرام سكر بودره
نص كوب حليب
150 جرام شيكولاته
معلقة سكر
معلقة زبده



اولا تحمصى البندق ( الى ماتعرفش ازاى تقولى )
وبعدين تطحنيه مع السكر البودره ناعم جدا
على النار تحطى الحليب ولما يغلى تحطى معلقة السكر والشيكولاته والزبده ولما يدوبو تنزليه من على النار وتضيفى البندق وتقلبى كويس وتعبيه فى البرطمان ولما يبرد تحطيه فى التلاجه
طبعا فى الاول حيكون سايل بس لما يدحل التلاجه حيكون قوامه زى الى بيجى من برا بالظبط

وبالهنا والشفا

ههههههههههههه سكر البنت اللي بتتغرق بالنوتيلا في الاخر تسلم ايديكي يا فطومه هجربها للولاد ان شاء الله فلقينى وعايزين حاجه حلوه وانا مليش اوي في الحلو ربنا يخليكي عمرك ما بتبخلي علينا ابدا بكل جديد

انا بعملها كدة بس بزيد ملعقة صغيرة نشا عشان القوام

هاعملها انشاء الله يابطوطه وشكرا علي الموضوع

كليوباترا كتب:ههههههههههههه سكر البنت اللي بتتغرق بالنوتيلا في الاخر تسلم ايديكي يا فطومه هجربها للولاد ان شاء الله فلقينى وعايزين حاجه حلوه وانا مليش اوي في الحلو ربنا يخليكي عمرك ما بتبخلي علينا ابدا بكل جديد

ربنا يباركلى فيكى ياحبيبتى يارب

ام يوسف كتب:انا بعملها كدة بس بزيد ملعقة صغيرة نشا عشان القوام

ولو جربتيها من غير نشا برده حتلاقيها متماسكه جدا

Anosha كتب:
هاعملها انشاء الله يابطوطه وشكرا علي الموضوع

الشكر ليكى ياروح قلبى

:سلمت يداكى:

انا بمووووووووووووووووووووووووووووت فى شيكولاته

:سلمت يداكى:

بالف هنا ياساره يارب