طريقتي في عمل التمر المحشي بالمكسرات لعلاج الانيميا

بتجيبي التمر وتشقيه بالنص يا بنات
بس من جانب واحد بشرط يبقي التمر محتفظ بشكله الخارجي
ونشيل النوي

ونعمل كميه يجي 30 حبايه تمر
وبعد كدا نروح نضرب في المالتي كويك مكسرات او فول سوداني
مجرد بس يتكسر مش عايزين نطحنهم
مكسرات وجوز هند وسمسم
ولو مش عندك مكسرات نحط فول سوداني وجوز هند وسمسم
انا بعملها بالفول السوداني جميله جدا

ونحشي كل حبايه ونضغط عليها جامد علشان تتقفل
بعد ما نخلص حشو التمر

فيه ناس بتحب تاكله كدا عادي
ويبقي بالشكل اللي شايفينه فوق دا

او تحطه في كميه عسل اسود
وتسيبه لمده اسبوع كدا في برطمان علشان يشرب العسل

وتاخد منه

وانا بفضل الطريقه التانيه
لان القيمه الغذائيه اعلي وبيدي طاقه خاصه للاطفال
وكمان العسل الاسود من اهم الحاجات اللي بتعالج الانيميا والهالات السوده
لان فيه نسبه حديد عاليه
وطعمه احلي كمان
وممكن نرش جوه البرطمان سمسم برده علشان يلزق علي التمر

بتاخدي تمره من البرطمان بالمعلقه يوميا

جربوها وهتدعولي

دي طريقه جدتي الله يرحمها
وقد تورثتها الاجيال حتي وصلت لحد عندي هههههه

حصرررررري

الانيميا دي مشكلة والله بس يوسف بيتعبني في اكله اوي لو عملتها انا اللي هاكلها وهقلبظ

الانيميا ازززززززززززززززززززززززززززززززززززززمه

ام يوسف كتب:الانيميا دي مشكلة والله بس يوسف بيتعبني في اكله اوي لو عملتها انا اللي هاكلها وهقلبظ

اعملي كميه صغيره وجربي معاه

Anosha كتب:الانيميا ازززززززززززززززززززززززززززززززززززززمه

خلاص جربي وادعيلي

هاجربه اكيد يارورو

جامد اوى ده يا رورو يا حبيبتى يارب