وصفات للشعر

دي وصفة هايلة بتساعد على إنبات الشعر وكل اللي عليكي إنك تجيبي حزمة جرجير وتحطيها في الخلاط مع كوب ماء, وبعدين تدلكي فروة رأسك بعصير الجرجير وده تأثيره بيكون في انبات الشعر و تقويه البصيلات الضعيفه وياريت لو تكرري الوصفة دي مرتين في الاسبوع لمدة شهر وإن شاء الله هتلاقي نتيجة هايلة وسريعة

للعناية بالشعر الجاف:
يجب عدم تعريض الشعر للكيماويات او السخونه مثل الصبغات والسيشوار وغيره

-الأقلال من غسل الشعر بكثرة مع تجنب الماء الساخن والصابون القلوى انما يستخدم شامبو يحتوى على البيض و الزيت

-عمل حمام زيت اسبوعيا ويكون بزيت الزيتون او زيت الذرة ويستخدم الزيت بعمل تدليك لفروة الرأس لتنشيط الدورة الدموية بها وتنشيط افراز الدهون ثم يلف الشعر بفوطه دافئه تظل نصف ساعه على الاقل ثم يشطف الشعر بالماء

-بجانب حمام الزيت يدهن الشعر من وقت لآخر بكريم مغذى

-ينصح بكثرة تمشيط الشعر لأن هذا يساعده على تنشيط الغدد الدهنيه كما يوزع الدهون على اعواد الشعر

-يجب الأهتمام بالناحية الغذائيه فيزيد تناول البروتينات مع ادخال بعض الأطعمه الدهنيه كالقشدة والكريمه دون افراط

وصفات لتطويل الشعر:
دي وصفة هتساعدك على تطويل شعرك كل اللي إنتي هتحتاجيه علبة زبادي ومعلقة حبة البركة مطحونة ودي هتلاقيها عند العطار
ومعلقة زيت زيتون
الطريقة:
أخلطي المكونات دي كلها مع بعضها وبعد كده حطيهم على شعرك لمدة ثلاث أو أربع ساعات وطبعا غطي شعرك ببونيه ....بعد مرور 3 ساعات أغسلي شعرك باشامبو والبلسم المناسبين كررري الموضوع ده مرتين في الاسبوع لمدة شهر وإن شاء الله هتلاقي نتيجة هايلة

وصفه اخرى:
الفلفل الأخضر قطعيه مكعبات صغيرة ثم ضعيها بعلبه نظيفه واضيفى عليها زيت الزيتون واتركيها تنقع لمدة عشرة ايام بالضبط بالعلبه وبعد العشرة ايام ضعيها على شعرك لمدة لا تقل عن 3ساعات

وصفه تانيه:
زيت خروع + ماء ورد + زيت برافين + زيت زيتون + معلقة قرنفل بس المهم إنك تتأكدي إن كل الزيوت دي أصلية و مش مخففة وبتخلطي المكونات دي كلها مع بعض على النار لمدة 10 دقائق وبعد كده تسيبي الخليط يبرد شوية وحطيه على فروة رأسك مع التدليك وبعد كده اغسلي شعرك بالشامبو المناسب ليكي ، وعشان تحسي بنتيجة اعملي الوصفة دي مرة كل أسبوع بس لازم تنتظمي وممكن إنك تعملي كمية كبيرة من الخليط و تحتفظي بيها في زجاجة وتعملي بيها كذا مرة.

عايزه وصفه حلوه للتساقط الشعر والتقصيف؟

لعلاج مشكلة تساقط الشعر ممكن تعملي الوصفة دي مرتين في الأسبوع وهتلاقي نتيجة هايلة والوصفة بتتكون من بيضة واحدة + معلقة عسل كبيرة + زيت زيتون + زيت جوز هند + زيت صبار + ريحان مجفف ( ممكن تجيبيه من عند العطار ) + معلقة كبيرة مايونيز (و المايونيز على فكرة مفيد أوي لعلاج جفاف الشعر ) ، وبتخلطي المكونات دي كلها مع بعض وتحطيها على شعرك وهو ناشف وتسيبيها على شعرك لمدة ساعتين وبعد كده تغسلي شعرك بالشامبو.

أما مشكلة التقصف فممكن تعملي الوصفة دي واللي بتتكون من موزة + معلقتين زيت زيتون + معلقتين عسل نحل و بتخلطي المكونات دي مع بعضها في الخلاط وبعد كده تحطيها على شعرك وتسيبيها لمدة ساعة وبعد كده تغسلي شعرك الوصفة دي ممكن تعمليها مرة كل أسبوع عشان تحسي بنتيجة سريعة .

ووصفه ولعلاج الشعر الخفيف:
المكونات :
معلقة زيت زيتون + معلقة زيت الخروع + معلقة زيت اللوز + صفار بيضتين.
الطريقة :
اخلطيهم كويس مع بعض وبعد كده افردي الخليط على شعرك كامل ولفيه بفوطه دافئه لمدة ساعتان وبعد كده اشطفيه بماء فاتر

تحفه يا ايمى

انا شعرى خفيف ونفسى يتقل ممكن وصفه حلوة وكمان بيهيش من أدام مش عارفه اعمله ايه

اناشعري كان تقيل وحلو فجأه خف اوي (هجرب)
تسلمي ياقمر اجيتي في وقتك

ياريت تساعدونى انامشكلتى ان شعرى بيبقى مفرود وحلو واول مابطلع برا البيت اروح مشوار اللاقيه بقى هايش واتكسر مع انى بسرحه بمشط خشب وبعمله ماسك خليط من الزبادى وصفاربيضه ونص معلقةعسل و5نقط من الزيوت زيت زيتون وزيت لوزوزيت جوز هند وبعدساعتين بغسلةبشامبو بانتين وحمام كريم بوناويل بالقمح مش عارفةاعمل ايه المشكلة دى بتسببلى الاحراج اوى وبخاف اطلع بيه مفرود بقيت المه على طول