الزيتون المفدغ

دقى الزيتون بايد الهون وده اسمه التفديغ وقطعى عليه ليمون و كمان شطة و حطى عليهم ملح كويس وكل يوم تقلبيهم لمدة عشر ايام
يصفى الزيتون من السائل اللى هينتج و حطى معاه قليل من الكرفس وابشرى عليه جزرة و دقى عشر فصوص ثوم وقلبيهم كويس وعبيهم فالبرطمان و حطيهم فمحلول ملحى معلقتين ملح لكل لتر ماء (مش هياخد كتير) غطيه بمعلقتين خل و معلقتين زيت ويغلق ويستعمل مباشرة

انا بعمل ده وهبقى انزلكم الصور

:سلمت يداكى:

عندنا في الببيت بيموتو فيه
انا بحب الزيتون العادي اللي بيقعد بالست شهور يتخلل دا ولازم يكون تفاحي

انا اول مرة اعمله دعواتكم

ماما بتعمل المفدغ دا لانه بيتخلل بسرعه

انا بحب المفدغ ده اوي بس بقرف منه من بري ليه مش عارفه ياريت يا حبيبتى علشان نفسي اعمله في البيت ربنا يبارك لك يا ام يوسف الله برافو عليكي بستفيد منك بجد كتير

ان شاء الله هبدأ بكرة لان زوجي لسة هيشتري لي شطة

انا عملته بالسكينة وغسلته

وبعدين ضيفت الشطة والليمون وعصير الليمون والملح وسيباه عشر ايام ينزل مايته المرة