قولى وداعا لاقدام خشنه وكعب متشقق او حتى فيه خطوط رفيعة

بصوا يا قمرات...دي اول وصفه ومشاركة لي
وحبيت أشاركو بيها لانها وصفه بجد تحفه حتى حماتي وبنات خالى وقرايب كتيير ليا جربوها ومش قادرين يبطلوها وجابت نتيجه مضمونه وبتحسي بالنتيجه من أول أسبوع ومش مكلفه خاااالص
بصوا ركزو فى المكونات والكميه دي تكفي من شهر الى شهرين

أنبوبة كريم كارباميد من الصيدلية
أنبوبة كريم بانثينول برضه من الصيدليه
زجاجة جلسرين سائل ده موجود في الصيدليات والعطارين
زجاجة ماء ورد من عند العطار
ليمونة واحدة
وتقريبا عدد ملعقتين كبار زيت زتون

هاتجيبوا اي زجاجه فاضيه عندكوا مش محتاجينها ممكن زجاجة غسول وجه قديم شامبو قديمه طبعا ننضفها كويس
فرغى زجاجة الجلسرين وعليها الزيت واللمونة وبعدين تحطي الزيت واخر حاجه تفضي انبوبةالكارباميد والبانثينول عليهم وأخيرا زجاجة ماء الورد
ودي على فكرة بتبقى زجاجه صغيرة مركزة من عند العطار قريبة من الزيت شويه
تحطيهم فى الزجاجه وترجى كويس
وتدعكى بيهم يوميا قبل النوم كعب الرجلين والركب وحتى ايديكي
ويا سلام لو عملت حمام لرجليكي فى ماء ساخن ودعكتيهم بالحجر وبعد كدة استعملتي الخليط ولبستي شراب قطن وسبتى رجليكي نص ساعة متغطيه
عموما انا بستعمله بعد الحمام على طول ومش ضرورى بلبس شراب خصووووصي فى الحر
عموما انا حتى لو خرجت وهالبس شووز مقفول بحطه بجد بيريح الرجل قوى


نقطتيين مهمييين يا بنوتاات
اول حاجه هاتلاقي الخليط بيفصل يعنى الكريم فوق والزيوت تحت عاااادى رجيه بس مع كل استعمال
تاانى حاجه ودي مهمة جدا انك تستعملى كميه صغيرة عاى كل كعب علشان زيادته بتدى احساس بالدهن واللزوجه

ياااا رب تعجبكم وتجربوها وأمااانه اللى يجربها فيكم يقوللى ودعواتكم ليه باظهر الغيب يا قمرااااات

الله العظيم تحفه بجد انا لازم هجربها هتصل الصبح بالصيدليه ان شاء الله وهدخل اقولك بس واضح جدا انها تحفه بجد تسلم ايديكى

بجد مش هاتندمي ابدا...انا ماشية عليها بقالى سنه وبجد ما بقتش اعمل غيرها حتى اني ساعات بستعملهاعلىايدي والنتيجه بجد وهم ;) ;) ;) تحياااتي ليكي ودعواتك

ربنا يجازيكى الف خير ويجعله في ميزان حسناتك يارب

انا بجد عايزة اشكرك على الوصفة التحفة دى انا كان عندى تشقق فى القدم ودى كانت مضيقانى جدا واستعملت حاجات كتير ووصفات اكتر بس دى بصراحة جابت نتيجة معايا تقريبا من اول يومين ربنا يجعله فى ميزان حسناتك وياريت تشاركى بوصفات جامدة زى دى وبالتوفيق دايما

thank you

جزاكي الله خيرا - وصفة رائعه

تسلمى ياقمر

اان من بكره باذن الله هشترى الحاجات دى وهجربها ويارب تعمل مفعول فى رجلى انا بعمل رجلى بمبرد القدمين وبحط فازلين اه بيرطب شويه بس فى خطوط رفيعه ومش ناعمه اوى يالشكل الى عاوزاه هى شكلها حلوه اوى ربنا يسهل وتجيب نتيجه
وجزاكى الله كل خير

وانا كمان هجربه لان دى مشكلتى فى الشتا