اماكن افضل كوافيرات القاهرة واسعارها

السلام عليكم ورحمة الله وبركاته

طبعا أنا عارفة ان معظم العرايس بيحتارو في كوافير الفرح وأنا كنت وحده منهم لاني مش من القاهره وخبرتي فيها كانت فوق السيئة
المهم
دخلت النت وسألت عن معظم الكوافيرات ورحت بنفسي الكوافيرات في وقت خروج العرايس
وهذكر كل الكوافيرات الي رحتها وحده وحده بالاسعار الجديدة ومميزاته مع العلم اني بفهم جدا في الميك آب والشعر

هبدأ بكوافير مسيو عبدو
السعر 2500 للعروسة شامل
ميك آب وتسريحة وباديكير ومانيكير واكسسوار الشعر لكن اكسسوار الي بتلبس زي الحلق وغيره مش من عند الكوافير لازم انتي تجيبيه
الميك آب بتاعه بسيط جدا ومفهوش أي جديد
لكن الشعر رائع وبيستخدم خامات نضيفة وبيعتمد جدا على تركيب الشعر
الكوافير بياخد عدد معين ولازم الحجز قبله بفتره
وعنايته بالعرايس حلوة


كوافير نانيس سليم
سعر العروسة داخل الكوافير 3500
دا مع نانيس سليم نفسها
مع حد تاني داخل الكوافير السعر بيقل كتير
أنا رحت عندهم وملقتش حد في الكوافير لان نانيس كانت بتعمل لعروسة في فندق
بس شفت صور عرايس
بصراحة محستش انه في جديد يذكر في الصور فمقدرتش أحكم
بس بشكل عام الكوافير بتاعهم مش مريح نفسيا
وصغيره ومشفتش أي حد عندهم بالرغم اني رحت يوم جمعة


كوافير نورا

العروسة مع نورا بشعرها 2000
ومع أي حد تاني غيرها في الكوافير 1400
انا شفت ميك آب نورا وبصراحة قمة في الروعة
وحتى تركيبها للرموش حلو يعني شكله طبيعي ومفهوش أي غلطة
بس اغلب العرايس محجبات وهما محترفين في لف الطرح
بس المشكله اني مشفتش أي عروسة بشعرها ومعرفش نتيجة الشعر ايه
لان اغلب الصور محجبات
الميزه فيه انهم بيخصصو مكان مغلق للعرايس فدا بيديك نوع من الرحة والخصوصية
مع العلم مكان الكوافير انتقل من مول السراج
وكوافير فاشل جدا فتح مكانهم معتمدين على شهرة نورا
وشفت عروسة عندهم مكياجها سيئ وخامات مش حلوة مستخدمينها



كوافير ام اس

لما سألت عن السعر قعدو ينزلو من غير ما افاصل عشان احجز بسرعة من 1500 ميك آب وتسريحة وباديكيرومانيكير وتنظيف بشرة ل 1200 ميك آب وتسريحة مع الباديكير والمانيكير مع سويت وحمام مغربي
والله مكنتش بسأل حتى عالسعر
كنت مهتمة بشكل العرايس
افضل وحده عندهم في الميك آب نواره بس بصراحة محستش انها بتستخدم خامات نضيفة أوي عالبشره زي نوا ومسيو عبدو
غير ان الكوافير زحمة جدا لدرجة انك محستش براحة نفسية فيه
ومن اكبر عيوبهم
مش بياخدو عدد معين من العرايس يعني اي عدد بياخدوه والعرايس بتتأخر عن مواعيدها والوضع مش مريح للعروسة مع ان النتيجة حلوة مش سيئة


بالنسبة للصغير
مفكرتش اروح عندهم لانه كذا فرع ومش معروف مين الي بيعمل كويس
غير انهم طلعو اخت خطيبي سيئة جدا يوم فرحها


دول كانو أكتر كوافيرات سمعتم عنهم كويسين فرحت اتأكد بنفسي
وبصراحة كرأيي الخاص هختار نورا
لانها ميكابها فوق الرائع وافضل مكياج من بين كل الي ذكرتهم
وفعلا بتستخدم خامات نظيفة
وهروح يوم الاثنين الساعة 5 ونص اشوف عروسة ليهم هتخرج بشعرها عشان اتأكد من موضوع الشعر


أتمنى أكون أفدتكم والي عندو جديد بخصوص الكوافيرات
ياريت ميبخلش علينا

منقوووووووووووووووووووووووووول

ارجووووووكم يا بناويت بجد اللي يعرف اي حاجة ياريت نفيد بعض عشان الموضوع ده بجد محتاج اراء... عشان كلنا نستفيد

#
بالنسبة للعناوين

نورا
130 عمر ابن الخطاب
أمام دار الاشارة والماظة
الارقام
0129111382
0101641232
وليها موقع كمان
www.norabeautysalon.com

ام اس
عند سور الكلية الحربية
عمار بن ياسر مصر الجديده
وبصراحة مهتمتش أعرف نمرتهم


نانيس سليم

20 شارع أحمد تيسير
عند كلية البنات
مدينة نصر
الارقام
0101507686
وموقعها
www.naneesselim.com



بالنسبة لجيلان عاطف
أنا شفت صور لمكياجها عالنت
وسمعت انها فنانة بس طبعا اكيد بيتعمل للصورة تنقية فبتطلع حلوة بالزيادة


دي نمرة جيلان عاطف
0123418020

ودا الموقع بتاعها
http://www.jailanatef.com/


عنوان مسيو عبدو

شارع الحجاز
هليوبوليس

نمرته
26331531

وفي فرع تاني ليه
وهوا شارع أحمد فخري
مدينة نصر
ودي نمرته

0122909740
0122526100
#
عادل المصري
عنوانه
فيصل شارع العشرين هو مشهور اوى اول ما هتروحى فيصل وتسالى مليون واحد هيقولك الطريق
انا حاجزة ميك اب وفورمة واكسسورات الشعر ورموش وبادكير ومانيكير ب 650
وحمام بخار ومساج ب100
سبغة وهاى لايت ب 200
سويت ب 150
برفان للجسم كلة 200
انتى تختارى تعملى اية بص انا ختار الفورمة 650و حمام بخار 100 بس
او البكتج كلو 1300
لو عايزة اقل فى ناس هناك غير عادل المصرى بيقل السعر 200 يعنى البكتج كلو 1100
بس عادل اضمن طبعا

ياجماعة اللي جرب اوشاف حد من دول ياريت يقولنا مين افضل ..
سنتر تجهيز للعروسه كامل للى فرحها قرب او خطوبتها او حتى سواريه سنتر فى مدينة نصر اسمه Nana @ Doshy بجد السنتر ده بيعملوا ميكب وطرح جامده وأهم حاجه انهم مش بيستعملوا بودره مائيه ولا الحاجات دي الميكب كله مستورد ومش بيسيح وثابت لغاية تانى يوم ولا عندهم واحده نوبيه بتعمل حمام نوبى ورسم حنه تجنن انتوا عارفين النوبيات بقه تمسكك قبل الفرح ب اسبوع تعمل بقه تكييس وماسكات للجسم والوش مش ممكن وسويت تطلعى قشطه ورسمة الحنه بقالها اربع شهور فى ايدى زى ماهي تصدقوا اصل انا بتعامل معاها من 3 سنين رحتلها فى قراية الفاتحه والخطوبه وفرحى واختى ومرات اخويا عملوا عندهم كمان كل واحده شكلها مختلف عن التانيه وسعرها بجد انا لفيت كتير قوى علشان طبعا الواحده بتبقى عايزه توفر وفى نفس الوقت تطلع جميلة فى الصور وفى الفرح هى عندها زى باكيدجات كده يعنى للعروسه تجهيز كامل من كله ب 1200 ونص تجهيز ب 800 والسواريه ب 1000 ونص تجهيز ب 600 واذا عايزة لفة الطرحه والميكب بس ب 500 للعروسه و200 للسواريه بجد والله مش حتندموا وحتدعولى والف مبروك وربنا يتمم بالف خير .......... واللى عايز يستفسر عن اي حاجه يبعتلى على الخاص او email mero_th73@hotmail.com 26706570 ---- 0105740182 وممكن تروح لغاية 6 اكتوبر والمدن الجديدة

منقووووووووووووول .... برده اللي سمع عنه ياريت يا قمرات تقولوا

تسلم ايديكى يا ايمى بجد تحفه

تسلمي علي الموضوع حلو قووووي بس من الاخر انتي اية رأيك مين احسن حد
نورا ولا السنتر اللي فية واحدة نوبية ؟؟؟
طيب انا كنت عايزة اسأل سؤال كمان كدة
في مكان بيقص الشعر حلو في مدينة نصر للمحجبات و اسعارة اية؟؟

ايمي انتي بجد بجد تجننييييي تحفة بجد انا بااليل هطير على نورا عشان اشوفها انتي بجد زي ما تكوني اتبعتيلي من السما ببراشوط على النت عدل ههههههههههههههه انا شفت احمد وعبده في سيتي ستارز واتعقدت بصراحه عاملين الشعر بس من غير اي حاجه ولا صبغه ولا اي حاجه تسريحه بس ب 2500 جنيه والميكب ب 1200 وباقي خدمات العروسه اتصرفي مع نفسك باه انا مش قادرة استنى لبكرة انا هنزل النهارده على نورا وخصوصا عشان قريبه من القاعه
ميرسييييييييييييييييييييييييييييييييييييييي

بصراحة انا جربت عادل المصرى اختى كانت خارجة من عنده خطوبة بس كانت قمر وانا كنت خارجة سوارية بس الا سعار اختلفت عن اللى كاتباه ايمى لانه بقى ب1000 جنيه بس فى عيب واحد انه بيرفع الحواجب اوى وبيرسمهم بالقلم

تسلم ايديك

انا روحت كوافير ام اس (مجدى وسيد) بصراحه كوافير اسم على الفاضى زحمه موووووت انا كانت خطوبتى من اسبوعين وكنت فيه بجد كوافري زباله بمعنى الكلمه والميكب بتاعهم بشع كان مطلعنى وحشه والبديكير زفت ومفيش اعتناء بالعرايس خالص ولا حتى لفه الطرحه حلوة وزحمه موووووووووت ومفيش قسم للمحجبات كله سايح على بعضه ومواعدهم وحشه اوووووووووووووى اخرونى ساعه ونصف عن ميعادى الله يسامحهم نصيحه منى اوعى اى عروسه تروحوه

بجد شكرا ع الموضوع انا اختي هتتجوز كامن شهرين ان شاء الله وكنت مش عارف هحجزلها ف ايه وخاصه ان ام اس( مجدي وسيد) وحششششششششششششش بصراحه ف المكياج دا غير انهم بيحرقوا الشعر صبغه او خصل والشعر يروح ف الباي باي ودا عن تجربه صحبتي ومحدش يرحله ياجماعه انا بنت خالتي تقريبا خرجت من عند نورا بس مش قادره بس كانت طالعه تجنن وهي كانت محجبه...وبجد تسلم ايديكي انا ان شاء الله هروح نورا دا اشوفها والسنتر بتاع النوبيه دا واقولكوا ايه شوفته اكتر

طب وطارق الطحان ياجماعة حد يعرف عنه حاجة او شاف عرايس طالعة من عنده

انا روحت عادل المصري في خطوبتي وكان وهمي محدش عرفني حتي مامتي وكانت لفتة الطرحة حلو مووووت انصحكوا بيه هي مراته هي اللي عملتلي الميك اب