فكره جديده لصينية السمك فى الفرن

معظم الناس متعودين انهم يقطعوا الفلفل والتوم والبصل والطماطم والليمون كل ده نى مع السمك وبعدين يدخلوه الفرن

بس الافضل عن تجربه انك تشوحى الحاجات دى الاول بسيط وبعدين تحطى السمك وتدخليه الفرن

حتشوحى البصل مع التوم مع الفلفل فى شوية زيت بس على خفيف وبعدين تضيفى الطماطم وياسلام لو فى بقدونس

وفى ناس بتحب تضيف البطاطس كمان

وبعدين تحطى السمك الى متبل من قبلها وعلى الفرن علطول

وماتنسيش الملح والبهارات مع الخضار قبل ماتضيفى السمك

وعلى فكره السمك مابيحبش يقعد فى التتبيله كتير على عكس اللحمه والفراخ كل مازاد الوقت كل ماكان افضل

وتتبيلة السمك ثوم وكزبره خضراء وفلفل اخضر وليمون وبهاراتك المفضله

وبالهنا والشفا

تسلم ايدك يا بطوط

حلواوى تسلم ايدك يا قمر

:سلمت يداكى:

;)

امممممممممم
لذيذة

فطومه ديما مواضيعك حلوه ومفيده كعادتك يا حبيبتى تسلمي لينا يارب يا احلي فاطمه وربنا يجعله في ميزان حسناتك يا حبيبتى

تسلم ايدك يا جميل .. انا كدا حاسه انى جعت ههههههه

تسلمولى حبايب قلبى يارب
بالف هنا وشفا