تعالو شوفو ايه استعدادتي لمطبخي في رمضان

بسم الله

ازيكم يااميراتي العزيزات

موضوعي على الاستعداد لرمضان ....يعني ازاي تسهلي على نفسك العمل في رمضان على قد ماتقدري

طبعا انا لسة مخلصتش كل حاجة بس باعتبر نفسي خطيت كام خطوة

اولا:

اللحمة...انا اشتريت اللحمة ونظفتها كويس وفرمتها في بيتي علشان اضمن نظافتها كويس واضفتلها حبات ثوم مع الكمية اللازمة من البصل اللي تقريبا بيدخل مع اللحمة المفرومة في كل حاجة وحطيتهم في اكياس بالحجم اللي يكفي عيلتي واللي اقدر ازود له لو كان عندي ضيف

ثانيا:

الصلصة .... انا فرمت الطماطم الاخضر بكمية اللي تكفي رمضان دفعة واحدة وبعدين حطيتها على نار هادئة لحد ما نشفت من المية خالص وحطيتها في برطمانات اللي بيباع فيها الزيتون عادة وطبعا وهي سخنة وكمان غطيتها وهي سخنة

طبعا بمجرد ما اصبحت باردة نظفتها كويس من الخارج وخزنتها ....فين .... في الدولاب

ده يعتبر نوع من التعقيم والتخزين الصحي علشان حتلاحظي ان البرطمان بمجرد مايبرد يصبح صعب الفتح كما لو انه معبأ في مصنع مش في البيت

وطبعا متنسيش انك تعبيه لاخرة يعني مايكونش في هواء نهائي علشان مايفسدش وماتضيفيش اي حاجة ولا حتى ملح او زيت لانه يفسد

وخوديها منى كلمة موثوقة انا مجرباها وحتفضل زي ماهي (في الدولاب) حتى لمدة عام كامل

ثالثا:

الثوم....اشتريت كمية من الثوم وفرمتها مع بعضها واضفتلها حبات فلفل اخضر علشان لما بيختلط بالثوم بيصبح حاجة مميزة جدا بالدات لما يضاف في نهاية الطبخة

المهم فرمته ناعم وحطيت مقدار ملعقة صغيرة في الومنيوم والى الفريزر

رابعا:

انا لسة معملتهاش الحقيقة بس المهم ناوية اليومين دول وهي تجفيف الخضراوات الورقية

طبعا النعنع شبه اكتمل جفافه وبستنى جوزي لما يشتري باقي الخضر علشان اعملها

وحاشرككم معايا بادن الله

عايزة رأيكم وكما ن تشجيعكم واللي عندها اي فكرة او اضافة بليييييييييييز تضيفها

ونستفيد من خبراتكم ويارب اكون مفيدة انا كمان

تسلم يدك يا ريت تعزميني في رمضان ع الفطور شكلك طباخة شاطرة!!

شكرا للإفادة ...هـطبّق

يا جميل موضوع مفيد جداااااااا تسلم الايادى

تم نقل موضوعك يا قمر لقسم الاكلات من كل البلاد

يا قمر

ما شاء الله ربنا يبارك فيكي يا حبيبتى فكرتينيى بشويه حاجات مهمه عايزه اعملها قبل رمضان تسلمي لينا يارب يجعله في ميزان حسناتك يا حبييبتى

جزاك الله خيرا

برافو عليكى ايه الشطارة دى لا بجدا افيدينا كتيييييييييييييييير