وصفتين هيخلوا شعرك زي الهنود وتحدي

اناعايزةاسال الوصيفتين ننعمل مع بعض ولا وصفه وحدة بس

نور لو سمحتى ممكن تقوليلى المقادير و الحنه اد ايه و الاملج و كلو معلش هتعيك
و رينا يوفقك ان شاى الله

بنوتاتي حبيباتيsahar aly mady
بالنسبه لوصفه الزبادي والمايونيز والزبده
والماءحسب ما يعمل عجينه اواكترحاجه معلقتين تلاته
عشان تلمي المكونات وتكون سايحه حطي
الكميه ده أد ده يعني 2ملعقه من كل نوع
واخلطيهم وحطيهم علي شعرك يعني الوصفه
لازم يبقي مالي شعرك وعلي الجزور اهم حاجه يعني
ايه اعملي الخليط في طبق وخدي منه بملعقه او بايدك
وادعكي الفروه كلها لمده 10 دقايق
وبعد كده الباقي حطيه تاني علي الفروه والشعر
لكن ما تنسيش في الاول انك تاخدي تلت الكميه علي جذور
شعرك مع مساج وبعدين حطي التلتين علي الجذور وشعرك نفسه
دي اول وصفه
تاني واحده
لوشعرك قصير معلقتين من الحنا والاملج والسمسم
وطبعا كميه الزيت بتكون 3 معالق او اربعه
ولو شعرك تقيل يبقي ضاعفي الكميه او حطي قدها
مره ونص ويا بنات انتوا عندكوا عنين يعني ابدأي
بكميه قليله مثلا معلقتي زي ما قلت لقيتي شعرك
مش مكفيه الطلبات عندك واعجني تاني ملعقه من كل نوع
والمره الجايه حوطي المقدار اللي يكفيكي

بالنسبه emma23 بصي يوم وصفه الزبادي ويوم راحه
يعني تعملي جدول يوم السبت وصفه الزبادي ويوم الاحد
راحه يوم الاتنين وصفه الحنا ويوم الثلاثاء راحه يوم الاربعاء
وصفه الزبادي يوم الخميس راحه يوم الجمعه وصفه الحنا
يوم السبت راحه يوم الاحد وصفه الزبادي
يعني اليوم اللي تحطي فيه زبادي اليوم اللي بعده راحه
وبعدها وصفه الاملج وبعده راحه ثم الزبادي يارب تكونوا استفدتوا


ملحوظه مهم اللي شعرها مصبوغ ياريت تستبدل الحنا بسدر من العطار
والبنات اللي خايفه علي شعرها من الشامبوهات وخايفه ترهقه ممكن
تجيب سدر طبيعي وتستخدم مائه زي الشامبو ولو عاوزين الطريقه
ممكن اجيبها لكم عادي بدال ما كل يومين شامبو يكون بس يوم واحد
وبات كنت هنسي وصفه الحنا لما تغسلي شعرك منها ياريت ياريت
بلسم مش شامبو اسمعوا الكلام وانشاء الله شعركم هيكون جميل
واي سؤال تحت امركم

yareeeeet elly ygrabha y2olna

جميل اوى الموضوع تسلم ايدك

طيب انا نسيت حاجه هو الشعر يبقى ناشف ولا مفسول

شكرا ليكى جدااا بس هو لازم الخلطتيتين مينفعش اعمل خلطة واحدة بس واستمر عليها علشان انا مش حابة احط حنة علشان لو حبيت اعمل صبغة وياريت تقوليلى الشعر بيكون ناشف ولا مبلول قبل ما احط الخلطة
وربنا يرزقنى ويرزقك بالزوج الصالح قولى اميييييييييييييييين

bero mohamed أمين يارب
اي حاجه تتحط علي شعرك ياريت تبليه يعني
لو مش مغسول من يومين او3 لازم تغسليه الاول
وتجيبي قطعه قماش وتبليها في ماء ساخن وتدعكي
بيها الفروه عشان تفتح المسام مش ساخن يعني ماء مولع
لا يعني تتحمله ايدك المهم تدعكي الفروه وتكوني مجهزه
الماسكوتحطيه علي شعرك وتغطيه بالبونيه
ثانيا
لو عاوزه تصبغي انا قلت نستبدل الحنا بسدر
يعني بدال الحنا سدر ولو عاوزه تمشي علي
وصفه واحده براحتك لكن مش نفس النتايج طبعا
والزبادي هو والمايونيز حلوين للشعر اوي
لكن الماسك التاني له فوايده الخاصه بيه يعني
لو مش عاوزه طول وكثافه وعاوزه لمعه بس وكثافه
علي المدي البعيد يبقي خليكي في الماسك التاني
واي سؤال تحت امرك
وبعدين سوري مش تدخل مني لكن نصيحه ما ينفعش صبغه
قبل الجواز خليها في الجواز عشان يكون شعرك ليه روح وتغيير
شكلك جديد مش حاجه معتاده عليها ولكي حريه الاختيار

تسلم ايدك ياقمر وربنا يرزقك يارب بالزوج الصالح
بس انا كنت عايزة اسال ع حاجة ازاى نستعمل السدر بدل الشامبو يعنى ممكن تجبيلى الطريقة؟ وكنت عايزة اسال حاجة كمان هو السدر دة بيجى من عند العطار ولا منين بالظبط؟
طب هو عبارة عن اية يعنى عبارة عن ورق ولا زيت ؟؟؟؟؟؟؟؟؟؟؟
معلشى هتعبك معايا بس ياريت تجوبينى ف اسرع وقت علشان انا عايزة اجرب الطريقة دى