مطبخ المبتدئين

ايه رايكم يا جماعة نعمل هنا مطبخ كليوباترا
انا الصراحة مش بعرف اعمل حاجات كتير فنبدأ ف التوبيك دة طبعا لازم حد بيطبخ حلو يساعدنا
نبدأ نحدد أكلة كل يوم او يومين وتعلموهالنا وبعد كده كل واحدة تعملها
وترجع تقولنا نتيجتها ورايها اية ف الأكلة دى
بس ياريت نبتدى بأكلات سهلة ومتطلباتها متوفرة

زهره حلوه اوى الفكره يارب دايما تساعدوا بعض كده كملى يا قمر فكره حلوه انا نقلته لقسم الطبخ لانه كان في قسم الاخبار وقسم الطبخ انسب بجد تسلم ايديكى علي الفكره الحلوه ديه ابداي من الصفر يعنى الرز مثلا العادى الخضار العادى علشان فعلا بنات مش بتعرف خالص
وديه مشاركه منى

طريقه عمل الارز المصرى (( الرز المفلفل ))

2 كوب من الارز المصرى
2 ملعقه من الزبده او 3 ملاعق من زيت الذره او عباد الشمس
2 و 1/2 كوب ماء ساخن او بارد ما يفرق
مقدار من الملح حوالى 2 ملعقتين

1: نغسل الارز جيدا للتخلص من كميه النشاء المرتفعه الموجوده فيه ونضعه فى مصفاه جانبا
2: فى وعاء الطهى نضع مقدار الزبده او الزيت النباتى ثم نضيف عليه الارز المغسول سابقا
ونحرك الارز جيدا حتى تصبح حبات الارز متماسكه
3: نضيف كميه الماء ويفضل الحار ثم نضيف مقدار الملح ورشه الفلفل الاسود او الابيض
ونغطى جيدا على الارز حتى يتشرب الماء ثم نخفف عليه النار ونضعه على نار هادئه جدا حتى تمام النضج
ويقدم ساخن مع اشهى اطباق الخضار وخلافه
اما بقي الرز حبه وحبه او المحمر هتغسلي الكميه اللي تحبيها كبايتين مثلا وتاخدى نصهم او اقل شويه وتحمريهم في السمنه او الزبده زى ما تحبي معلقتين سمنه لحد متحسي انه اتحمر يعنى هيغمق كله للون البنى واهم حاجه التقليب المستمر علشان كل الحبات تبقي نفس اللون ونار متوسطه
ضيفى الرز الباقي وبعدين غطيه الرز بالمياه يادوب علي وشه ويكون حوالى كوبايتين ونص لو حتى رز كبايتين
بالهنا والشفا

Go Ahead :lol:

تسلملنا يا كليواباترا ومعلش انا كتبت الموضوع ومش عرفت نزل فين لانى عضوة جديدة لسة وطبعا انتى هاتسعدينا ف التنظيم وشكرا على الرز توقعى كل ما اعملة أنسى الملح
ههههههههههههههههههههههههههههه
شكرا ليكى كتير

بالأمانه فكره جامده جدا وياريت نتابع معاكى ونتعاون مع بعض دايما

ايه يا جماعة احنا هناكل رز بس
ولا مش فى حد بيعرف يطبخ هنا
ههههههههههههههههههههههههههه
عايزين نتعلم الطبخ

ههههههههههههههه انا نسيته اصلا هعدله واحط ملح ههههههههههههه

فكرة حلوة جدااااااااااااااااا ياللا يا بنات ربنا معاكم انا مش بعرف اطبخ غير الرز و البسلة ههههههههههه

فكره حلوه يازهره أنا هقولك علي الشاورما
لكن تحفه هاتي ورقه وقلم
احنا هنعمل مقدار نص كيلو لحم
ماشي
لو عاوز فراخ براحتك هقولك علي الاختلاف
لكن التتبيله واحده


2كوب زبادي +مسطرده ملعقه+1م مايونيز+ملح +فلفل أبيض لو أسود ماشي
لكن ابيض افضل +كمون+ فلفل أخضر بتاعنا قطع صغيره اتنين او تلات فلفلات
+ورق لوري بسيط ورقتين مثلا اوتلاته +زنجبيل ملعقه صغيره+روزماري ملعقه صغيره+قرفه ملعقه صغيره+2 ملعقه كاتشب او تلات اكياس من الصغيره+ملعقه كبيره خل+نص ليمونه

دي التتبيله تنقعي فيها اللحمه أو الفراخ لمده يوم في الثلاجه وتخلطي قطع اللحمه الصغيره او الفراخ المقطعه قطع صغيره وتلفيهم بالتتبيله في ناس مش بتفضل تحط زبادي للتتبيله مع اللحمه
لكن انتي حطي كبايه واحده زبادي
حلو وبيدي طعم
وبعد يوم طلعي اللحمه او الفراخ من التتبيله وتحطيها في صنيه
وتحطي فوقيها دهن ضاني لو فراخ لأمافيش دهن ضانيوفي الشوايه عشر دقايق
وتكوني محمرد بصله شرايح وطماطمايه تحطيه مع البصله تحمريها خمسه كده
وتطلعي اللحمه او الفراخ من الشوايه
وتقليبيها في البصله عشره دقايق او سبعه
وتجيبي عيش زي بتاع السندوتشات او اللي بناكل فيه بره
وتعملي سانوتشات وتحطي عليها
كاتشب
وتعملي سلطه طحينه وأي حاجه من المقبلات وسلطه زبادي واي اكله
قولي وبالهنا والشفاء

ايوه كده يا نور باشا تسلم ايديكى يا قمر