ترشيح الاخوان للشاطر

ترشيح الاخوان للشاطر اعتقد انها بداية لتنازلهم عن الدستور المصري لغير الاسلاميين او كما يقال عليه اعلاميا الدستور التوافقي

اكبر غلطة سياسية يغلطها الاخوان بترشيحهم للشاطر للرئاسة
الاول جه الاخوان وقالوا لازم نقول نعم للتعديلات الدستورية واللى يقول لا يدخل النار

طيب ليه؟؟؟
علشان هما يدخلوا البرلمان ويخدوا الاغلبية وبعدين هما يحطوا الدستور
وبعدين وعدوا انهم مش حيرشحوا رئيس جمهورية ليه؟؟؟ الاجابة حتيجى بعدين
وطبعا ثبت فعلا انهم بيسعوا عشان يحطوا الدستور
طيب هما نفسهم يحطوا الدستور ليه؟؟
عشان المادة التانية للدستور؟لا طبعا لكن عشان يخلوا الحكم فى مصر برلمانى مش رئاسى وبكده هما مش محتاجين يرشحوا رئيس وعشان كده هما وعدوا بعدم وجود رئيس عشان هما حيخلوه ملهوش لازمة فى الدستور
طيب وبعدين ايه اللى حصل؟
جم هما فى البرلمان وقالوا اللى حيحطوا الدستور 50% من البرلمان...يبقى كده هما ضمنوا انهم يحطوا الدستور زى ما هما عاوزين والخطة كده تبقى ماشية كويس وزى الفل

طيب وبعدين .... لقوا الاعتراض جامد وان 50% من البرلمان لا يصح دستوريا
طيب وبعدين هما كده وقعوا ومحدش سما عليهم طيب يعملوا ايه كده الحكم مش حيبقى فى ايديهم
يبقى لازم يرجعوا فى كلامهم ويقولوا احنا اخطائنا واحنا حنرشح واحد مننا رئيس لمصر
وبكده يلحقوا يرجعوا الكرسى يرجع فى ايديهم تانى قبل ما يجرى من ايديهم

اللهم ولي علينا خيارنا ولا تولى علينا شرارنا المهم الدعاء يا بنات الكلام مش هيفيد السلطه بجد ده كارثه بتجنن الناس وكله بيجري وراهه بس المهم الغلابه اللي هما احنا ندعي يا ساره لازم الدعاااااااااااااااااء بلاش نتكلم يا بنات في السياسه علشان ده تقاليدنا في المنتدي انا ليه اراء كتير اللي معايا علي الفيس عارف مش بحب افرضها علي حد ولا اخلي المنتدي ليه وجهه سياسيه معينه وحبه اننا بنعد عن التوتر والخناق واللي بيرد وهكذا الناس اتجننت كله بيشتم في بعضه اي حد بيشتم ف يالتاني الدنيا اصلا مولعه انا خايفه نقع في ايد من لا يرحم واحنا بنجري ورا الكراسي وفجاه منلقيش بلد يحكموها اصلا وتبقي بلد محتله يارب يارب يارب متورينا في بلادنا اي حاجه من كل ده فيا حبيبي ارجوكم انا معاكم ان في احداث بتجنن الواحد واللي عايز يشير سياسه وخناق يضيفنى هههههههههههههه فيس بقي بس انا مش بحب افرض رايي هنا علي حد مع ان منتديات كامله للمرشح العلانى والفلانى وده هبل لازم نعرف حدودنا نفهم احنا ايه في السياسه غير الدعاااااااااااااااااء علشان اقعد اتكلم فيها خلينا علي ادنا وندعي كتير اوي اوي اوي اللهم ولي عليا خيارنا ولا تولي علينا شرارنا بس يا حبيبه قلبي ابعدينا عن السياسه انا مصدقت ابطل عياط وبدخل ارفه معاكم ونحكي ونرغي في اي حاجه ننسي بيها احسن نفسيتنا كلنا في كل حته سياسه تجيب الضغط بجد ربنا يستر بجد يا ساره انا قلقاااااااااااااااااااااااااااانه اوي مش هقول غير اننا ندعي بجد لان المووضوع ضعب اوي محدش شايف سوريا وليبيا والعراق يارب احفظ مصر وامنها واهدنا لطريق الثواب سترك يارب