اتفضحت في كل حته بجد

الحكايه هي ان
ليا واحد قريبتي مخلياني مكسوفه من اللي حواليا بسببها
هي معايا في نفس الكليه
وبتكلم ولاد كتير ولبسها اوفر جدا جدا
هي لابسه حجاب بس نص شعرها باين ولا ليه اي لزمه ولبس ضيق جدا
اكيد فهمتو المنظر عامل ازاي ومكياج صارخ خليجي

مش دي المشكله قلت هعمل نفسي ولا اعرفها
بس الوقتي ناس كتيره جدا عرفت انها قريبتي عن طريقها
وكل ما امشي في حته الاقي فيه ناس مطلعه عليها اسماء
بس الموضوع زاد جدا السنه دي

يقولولي فلانه قريبتك الولاد مسمينها علي اسم رقاصه لا داعي لذكر الاسم
وافتح كراسه صحابي بالصدفه الاقي كلام مكتوب ما بينهم عليها

انا في حالي جدا ومتفوقه وهي طبعا غير ذلك
وكل ما حد يعرف من الناس يقولولي مش معقول تكونو قرايب

انا خلاص قرفت من التلامز والتهامز
واخر حاجه سمعتها انها طلعت رحله تبع الجامعه وقلعت الحجاب وعملت نفسها اجنبيه
وعلطول فيه واحد بيكتبلها تعليقات عالفيس حب وكدا بدون حياء قدام الناس
وعرفت من البنات انه ظابط ومش بتاع زواج
وعملالي تاج في صوره ادخل ابص عليها
الاقي صوره رقاصه وطبال
كتبتلها استغفر الله العظيم
ترد تقولي لا حول ولا قوه الا بالله
واخره المتمه
نروح سحب علي جوايز تبع شركه الاقيها واقفه كمندوبه الساعه  بليل 10
وزوجي يقولي ايه شغل الرقاصات دا
يعني هتروح علي 11.50 مثلا
جيب لحد فوق الركبه علي الارطه اللي علي راسها الحجاب بتاعها يعني
ولما سالتها انتي هنا ليه بتقلي قسم كذا ** تدريب
طبعا كذابه لان دا قسم مختلف خالص عن قسمها التخصصي
واللي اكدلي كدا ان امها اتصلت بوالدتي الصبح تقولها بنتك قالتلك حاجه وقامت قافله
معني كدا ان امها عارفه انها بتشتغل باللبس دا وبترجع متاخر وكل دا مش علشان هما فقرا ولا حاجه
لا علشان تجيب مكياج ولبس اكتر
بتاخد فلوس المصاريف الكليه تصرفها علي اللبس والمكياج وتجمعها تاني وتسدها اخر الترم
واخره المتمه تبعت لزوجي اضافه
مش عارفه اعمل ايه

ازعقلها
ولا اقول  لاهلها ازاي وهما مشجعينها علي كدا
ولو قولت لابوها عن طريق جواب مثلا هيطلق امها
هو يعرف منظر لبسها بس ميعرفش الباقي
وعامله اكونت فيس تاني بتشتغل الصبيان
وانا معايا باس ورداتهم في مره لقيتها بتكلمني عالفيس وبتقلي غيريلي الباسوردات بسرعه
علشان هي فاتحه من الموبيل
وانا غيرتهملها وقعدت اقرا الهيستوري بتاع الكلام وقرفت بجد

دلوني اتجنب مشاكلها دي ازااااااااااي

لا كده خطر بصي في داهيه اللي هي بتعمله والناس بتعرف تميز مادام انتم مش متصاحبين ياما قرايب بيبقي مش كويسين الاهم بقي موضوع جوزك لازم تكلميها وتقولي ليها انك عرفتى قولي لها لمي الدور ولمي نفسك ولو جيتى ناحيه جوزي هبلغ اهلك بكل حاجه علشان تبعد عنك ده اهم حاجه اقفي ليها جامد متسكتيش لان اللي بالاخلاق ديه لازم تبعد عنك وعن اسرتك ولا تقابليها في اي حته ولا حتى السلام ولا تعلقي علي تصرفاتها وشيليها من عندك من كل اكونتاتك والمهم تركزي مع جوزك وابعديها نهائي نهائي عن حياتك الناس ديه مش بتبقي باقيه علي حاجه خدي بالك

و اضافة لكلام كوكي
صوري الهيستوري بتاعت الفيس بتاعها كله
عشان يبقي سلاح قوي في ايديك تهدديها بيه
لانها كده بالشكل ده
جوزك هو اللي عليه الدور
خلي بالك

ربنا يستر

اخلاقها لنفسها

بس زى ما قالت كوكى
خلى بالك من جوزك
الاشكال دى
هدفها تخرب وبس

وربنا معاكى

ربنا يقويكى عليها وكلام البنات صح
وانتى ابعدى عنها

انا كمان مع كوكيه جدا سيبك منها وبعدين المثل اللى بيقول اللى بيشيل خربة مخرومة بتخر عليه وبعدين هى فى حالها وانتى فى حالك وربنا يبعدها عنك ويقيكى شرها يارب

حقيقى بدعيلك و ربنا يديكى الصبر لحد ما تنتهى الغمة وييجى الفرج من اللة طبعا جوزك ما يردش عليها خالص ويرفض الاضافة لكن لو حاولت ودا اكيد لانها عارفة انة جوزك وعندها هدف عايزة تحققة يفضحها على موقعها عادى دا راجل وهية الى ابتدت وطبعا البادى اظلم وربنا يوفقك فى حياتك ودراستك وكل نساء المسلمين يا رب اكفينا جميعا شر الفضيحة امييييييييييييين

أبعدى عنها وقوليلها متتكلمش معاكى تانى

اعوذ بالله تجنبيها وابعدي عنهانهائيل انتي وجوزك وربنا يهديها لان بجد كدا مصيبة هي مالهاش اخوات صبيان يربوها ولا ابوها حتي مامتك تقول لمامتها مش تقولها بتعمل ايه تقولها كلام من بعيد ليعد بحيث مايحصلش مشكلة وربنا يسترها ع بنات المسلمين