اصنعي كريم بالمرز بنفسك بجنيه ونص

ورحمة الله وبركاته
ازيكم يا حلوات
اخر اختراعاتي كريم بالمرز عملته بنفسي في البيت والنتيجة رووووووووووووووووووووعة نعومة ولمعان
ندخل في المكونات
علبة فازلين
اي نوع فيه انجي علبته بجنيه ونص وده الي استعملته
او اي نوع عندك او من الصيدليه





اي زيت شعر عندك ويفضل زيت زيتون بكر بتاع الكل وزيت دوار الشمس وزيت جوز هند
لأن الزيوت دي بتدي لمعة للشعر





ممكن اي زيت عندك
لوز خروع سمسم
انا كل الزيوت الي عندي ضفت منها شوي
بس متكتريش الزيوت علشان ميبقاش سايح
حطيهم على نار هادية لغاية ما يسيح الفازلين مع الزيت
واطفي على النار ورجعيهم في اي علبة وسيبيه يجمد تاني
حيبقى شكله كده





بعد الشاور وشعرك مبلول قسميه ارع اجزاء مسحة صغيرة على ايدك وادهني شعرك كل جزء وحده علشان كل شعراية يوصلها الكريم
متكتريش علشان ميبقاش شعرك مدهنن
ولفي عليه الفوطة وسيبيه شوية وبعدين سرحي شعرك ةعمليه طاقية او كعكة من قدام او 4 كعكات زي ما كنتي مقسماه
واتفرجي على النعومة واللمعان وادعي لي

[b] ;)

[b] ;)

جزاكى الله خيرا