عقلى هيقف من التفكير

مشكلتى بإختصار انا لي اخت متزوجة من 3 شهور يا عنى لسه عروسه .. اكتشفت بمحض الصدفة ان زوجها يعرف بنات من على الفيس بوك وكمان مش مجرد كلام اعجاب وخلاص لاء للأسف وصل الموضوع لأكثر من ذلك واللى اكتشفته من الرسايل انه فى الموضوع دة من قبل الجواز يعنى اكيد من وهمة مخطوبين
مش عارفة اواجه علشان ما اخربش بيت اخت و خايفة ادخل اتعرف على اى واحدة من اللى بيكلمهم وابينلهم حقيقته ونتفق عليه علشان يفوق بس مش واثقه وخايفة اقدم على خطوة زى دى.
حاولت اتكلم معاه بشكل غير مباشر عن الناس اللى بتعمل حاجات غلط وان دة هيتردلهم فى اولادهم وان ربنا مش هيسيبهم
رد عليا بيقولى مهى البنت هيه اللى غلطانه قولتله هيه ممكن تكون ضعيفه قالى والولد كمان ممكن يكون ضعيف قلتله بس دة مش مبرر وان ربنا هيعمل كدة فى بنته ولا اخته .

انا نفسى تساعدونى فى حل
انا فقدت الثقه فى كل الناس لأن اللى يشوفه ما يتوقعش ابدا انه يكون بالاخلاق دى .. حاسه انى بحلم مش مصدقه انه بيعمل كدة.

بلفت انتباه اختى من بعيد لبعيد انها تزود اهتمامها بنفسها علشان تشغله وتلهيه وطبعا كأنى بنصحها عادى علشان متحسش بحاجة

بس واضح انه انسان عندة نقص نفسه يحس ان كل البنات مهتميه بيه وانه حد وااو تقريبا
دة من ضمن المعلومات اللى بيقولها لضحيته انه مش مرتبط و عندة 37 سنه وهوة اصلا عندة 29 سنه والمفروض انه هيكون اب

حسبى الله ونعم الوكيل انا صعبان عليا اختى المسكينه اللى مش حاسه بأى حاجة والبنات اللى بيعلقها

انا اسفه انى طولت عليكم

يعني اختك متعرفشي الموضوع

ممكن سؤال انتي عرفتي الموضوع ازاي بس انتي ممكن تدخلي تتكلمي مع البنات عادي وتتعرفي عليهم وتحكيلهم عن البنات اللي بتتعرف علي شباب وبيعملوا معاهم علاقات مش مجرد كلام

وممكن تحكي لجوز اختك واختك وانتوا قاعدين مع بعض عن حكايته اللي عرفتيه بس اكنك بتحكي عن حكاية واحده صحباتك وجوزها وان تعرفه علي البنات عن طريق الفيس خرب حياته ودمرها اعمليله قصه واحكيهالوا يكون هو البطل فيها بس غيري الاسم

وربنا يقدم لاختك ما فيه الخير ويرجع لضميره ويفوق

شكرا اختى لردك
عرفت من خلال الكمبيوتر بتاعى كان داخل على الاكونت بتاعة من عليه ونسى يقفله ولما انا بفتح لاقيت الكارثة

وحكايه انى اصاحب البنات اللى يعرفهم ممكن تتفهم دة غير انى مش متعودة اضيف حد عندى معرفهوش
واقتراحك انى اخترع قصة ويكون هوة بطلها هتكون زى قلتها لأنى حاولت واكيد قريتى رده عليا كان ايه

بصي مش هقولك يا حبيبتى تقولي لاختك بس لازم تواجهيه هوه علشان يخاف انها تعرف عريه انك عرفتى وللاسف ممكن يغير الاكونت بتاعه طبعا موضوع محير بس خطير وهي علي البر يا بنتى الموضوع لازم يتحل يا ايما هتخلف وتبقي اكتر حاولي تواجيه وتلمحيله ولو تقولي لمامتك وتستشيرها ياريت لان الموضوع كبير مش قليل المشكله تابعيه الاول وشوفي هوه مستمر ولا انهي المواضيع بعض الجواز لو مستمر ادخلي وهوه بيكلم اي واحده ضيفي نفسك عنده من غي ما يحس وروحي رده تحت حوارهم لو علنى وفهميه انك شوفتيه وشوفي تصرفه هيبقي ازاى وتابعينا بالاخبار هفكر تاني وارد عليكي بس مينفعشي نسكت علي كده

بصى بالاول بلاش تتسرعى وتخدى خطوة انك تقولى لاختك لان دى فيها طلاق علطول لان الموضوع حساس اصلا لقدر الله يعنى ربنا مايجيب طلاق يارب بصى باه انتى تقولى لجوزها بطريقه غير مباشره يعنى مثلا قولى نفس الموضوع بس ع حد تانى غيره ولو ملقتيش فايده م كده واجهيه م غير ما حد يعرف الموضوع غيرك انتى وهوودايما هدديه ان مقطعش علاقته بالبنات دول هتقولى لاختك وكل واحد يروح لحاله ودايما هدديه باستمرار عشان يبل بجد مش كلام وخلاص والله ده الرجاله معتش ليهم امان يعنى لسه متجوز ويعمل كده والله حرام واللى يغيص اكتر انهم ميبانش عليهم اى حاجه ربنا يهديهم يارب كلهم وع فكره فيه حاجه كلامك مع البنات ملوش فايده لان ده هيعقدلك الموضوع اكتر وهيزيدك حيره واصلا معروف اكيد الكلام اللى بيقولوه ربنا يهدى بنات وشباب المسلمين يارب وزى ماقلتلك انا وباقى الاميرات متقوليش لاختك الوقتى ويارب اكون عرفت اقدملك حاجه

اعمل اكونت واتعرف عله جدا
وقوليله هفضحك علشان توب عن كدا
اعرف واحده عملت كدا وخلت جوزها توب

انا بشكركم كلكم على وقوفكم جنبى وكل اللى اقترحتوه فكرت فيه بس خايفة اخد قرار انا خمنت الباسوورد بتاعته وعرفتها ومتابعة عمايله السودة وللأسف مافيش فايدة .. مش عارفة اعمل ايه 

مش قادرة حتى اعرف حد فى البيت عندى

وعلشان كدة لجأتلكم علشان انا بعتبركم اخواتى ويمكن لما يكون تفكير جماعى اوصل لحل مناسب انا مش عارفة افكر خلاص

فكرت انى احاول اوصل لدكتور عمرو خالد او مصطفى حسنى عن طريق الميل بس مش عارفة اجيب الايميلات بتاعتهم يمكن يقدروا يقولولى حل

 

 

بصي هو احسن حل اللي كوكي قالتلك عليه انك تواجهي جوز اختك وتعرفيه انك عرفتي وشوفي هو هيكون رد فعله ايه

طيب ايه رأيكم لو حطيت صورة الفرح بتاعتهم واضيفه فيها وبكدة هيظهر لكل الناس اللى عندة
فكرت اضيف واحدة بيكلمها هيه شكلها حد محترم ومفهمها انه اكبر منها وبيحاول يتقرب منها بس هيه بتصدة وبتقوله فى ضمن كلامها انت ليه ما اتجوزتش لغايه دلوقتى وعاوزة تجيبله عروسه من اصحابها
بس اللى مخوفنى عدم الثقه
هستنى رأيكم