طبق أرز بلون جديد على سفرتك

02.03.12 11:24

النهارده هاقدّم لك طريقة جديدة ممكن تجرّبيها علشان تحصلي على لون وطعم جديد للأرز؛ تعالي ندخل مع بعض المطبخ ونشوف إيه طريقته...

أرز أخضر بالسلق والبقدونس

المقادير:

كوب أزر بسمتي مغسول

حزمة سلق مقطّعة قطع صغيرة

حزمة كزبرة خضراء مقطّعة قطع صغيرة

حزمة بقدونس مقطّعة قطع صغيرة

ملعقة صغيرة كمون

ملعقة صغيرة بهارات

ملعقة كبيرة سمنة

كوب كبير ميه

ملح وفلفل

الطريقة:

1- اغلي كوباية المية اللي عندك كويس، وبعد كده ضيفي معاها كل الخضرة اللي عندك، وسيبيهم يغلوا مع بعض لمدة ربع ساعة.

2- هاتي الخضرة والمية المغلية وضيفي معاهم الملح والفلفل والبهارات والكمون، واضربيهم في الخلاط كويس، وممكن تضيفي عليهم شوية ميه من الحنفية؛ علشان تحصلي على خليط سائل.

3- هاتي صينية وسخّني فيها السمنة وحطّي معاها الأرز، وقلّبيهم مع بعض لمدة خمس دقائق.

4- بعد كده حطّي الخليط المضروب في الخلاط على الأرز، وسيبيهم مع بعض لغاية ما يغلوا، وبعد كده سيبي الأزر على نار هادية لمدة 20 دقيقة علشان يتشرّب.. وبألف هنا وشفا.

وبكده تكون خلصت وصفتنا النهارده..
ماتنسيش تجرّبيها وتبعتي تقولي لنا على النتيجة..
سلاااااااام،،،

02.03.12 14:35

وصفه جديده جدا بجد افكارك مختلفه اوي يا ااحلي ساره يسلم ايديكيي يا حبيبتى

02.03.12 14:46

mmmm 7elw el a7`dar dah hgrboooo

26.05.12 16:53

يبدو من الشرح انه لذيذ شنرااااااااااااااااااا

طبق أرز بلون جديد على سفرتك

طبق أرز بلون جديد على سفرتك

رد: طبق أرز بلون جديد على سفرتك

رد: طبق أرز بلون جديد على سفرتك

رد: طبق أرز بلون جديد على سفرتك