وداعا للشعر المجعد والهايش

السلام
عليكم ورحمة الله وبركاته

انهارده يابنات هكتبلكم عن حاجه انا جربتها لشعري عشان التجاعيد والحمد
لله نتيجتها بانت

الحق يقال انا اخدتها من بنت كانت منزلاها لجيلان عاطف

بس انا اضفت ليها حاجات من عندي نخش في الموضوع

انا شعري جاف وفيه تجاعيد وكمان طروفه محروقه بسبب كريم الفرد

لقيت نصيحه من جيلان عاطف بتقول قصي شعرك لو مش حلو

كان طويل قصيته

بس مازعلتش لانه فعلا اتحسن وعملت فيه البدع وهو قصير

نقول الماسك

اغسلي شعرك كويس ونشفيه وبعدين اعملي الماسك دا

اولا هنجيب بيضه واحده





هنقسمها اتنين

البياض في ناحيه والصفار في ناحيه

مش عايزين البياض عايزين الصفار بس

هنضيف علي الصفار دا زين زيتون بمقدار ملعقتين




هنجيب معلقتين ميه من الحنفيه او من الفلتر افضل ونحطهم

وكدا جيلان عاطف انهت الخلطه

انا كان عندي زيت جنين القمح انا لما بحط منه علي شعري بيكون حلو اوي

اضفته مع زيت الزيتون لانه كمان ريحته بتغلب علي ريحة البيض

وحتي لو ماحطتيش مش هتلاقي ريحه للبيض ماتخافيش





وقلبت






حطيتهم علي شعري وبعدين انا كنت اشتريت من العطار دهن الحيه

انتبهوا دهن الحيه مش زيت الحيه

هو قالي انه كويس بس انا لما جربته اضايقت جدا من ريحته وركنته

بعد ماحطيت الماسك علي شعري فردت دهن الحيه وسرحت شعري وخليته ساعتين
لبست كيس الشعر وطقيه عليه عشان يدفي

جيلان عاطف بتقول عشر دقايق انا زودتها من عندي


وبعدين غسلت شعري ولما خرجت حطيت عليه زيت زيتون عادي ولفيته علي بكر
شعر وهو مبلول لحد مانشف

وخدي بالك انه انتي لما تلفي شعرك علي بكر وهو مبلول وتسيبيه لحد ماينشف
هيديك نتيجه كأنه معمول بسشوار

والله بجد التجاعيد مش زي الاول انا استعملته لحد دلوقتي مرتين ومبسوطه
منه اوي لانه كل مره بيكون احسن

وحتي من غير الاضافات وعلي كلام جيلان عاطف هيكون حلو اوي لشعرك


جربوا ومش هتندموا وانا في الخدمه لاي سؤال

ميرسى ليكى يا نور على الوصفة الجامدة دى

thx ya 3asl

ميرسى ليكى يا نور على الوصفه السهله دى بس كان ليا تعليق على حاجه قولتيها
ان دهن الحيه ريحته مش حلوه وانك جايباه من عند عطار - على ما اعتقد ان اللى اداهولك العطار مش دهن الحيه الاصلى او التجميلى ان انا بستخدمه بقالى سنتين وبيخلى الشعر المجهد فى منتهى الروعه - بس انا مجربتش اسأل عليه اذا كان موجود فى مصر ولا لأ لانى مش عايشه فى مصر - بس نزلت مصر السنه اللى فاتت وكنت فاكره انى واخداه معايا وطلعت نسيته - المهم الكوافير اللى بتعامل معاها قالتلى ان فى حاجه عندها بتدى نفس النعومه اسمها سيروم ومستورد بردو اخدت منها عبوه هى طبعا كانت اغلى بكتير من اللى انا بشتريه بس كان نفس النتيجه فعلا وبردو ريحته حلوه وزاد عليه فى ان السيروم دا نازل بكذا ريحه حسب ما انتى تحبى
اسألى عند كوافير مضمون عليه على ما اتذكر اسمه تشاينى سيروم ايطالى
و اللى انا بستعمله اسمه
hair repair protective
enriched snake oil
made in france
لو كان العطار ادالك عبوه لونها اسود وغطاها شكل رأس حيه فدا مش دهن الحيه بس فى ناس متعرفش وبتشتريه عشان مكتوب عليه كده
سورى طولت عليكى وبشكرك مره تانيه على الوصفه
دا شكله يمكن تلاقيه فى صيدليه من الصيدليات الكبيره زى صيدليات مصر ولا العزبى

طيب اللي انتي بتستعملية دة الاسبراي من غير الاضافات يعني يا فريسكا وبس عايزة اسئل لو تعرفي تردي عليا بجد وارجو الرد السريع لي انا شعري بيقع جدا ولا أعرف السبب له وانا مش بستحمل انه يعرق وبغسله كتير وشعري عادي يعني مش دهني ونفسي اعالجة انا حاليا لسه قصاة جديد ومش زعلانة عليه وهو اصلا مش بيطول خالص وخفيف جدا مثل العنكبوت مثل ما يقولون قولي لي لو تعرفي علاج او وصفة وفعلا من خفيته بيهيش جدا ولو الرش اللي حطه اسمه دة بدون وصفات يبقا لي احسن من البيض واي شيئ يكون دهان فقط وكمان اسمع ان زيت دبر أملا الاصلي اكتر من رائع استعمله مش عارفة ارجو الرد السريع

emy4 كتب:طيب اللي انتي بتستعملية دة الاسبراي من غير الاضافات يعني يا فريسكا وبس عايزة اسئل لو تعرفي تردي عليا بجد وارجو الرد السريع لي انا شعري بيقع جدا ولا أعرف السبب له وانا مش بستحمل انه يعرق وبغسله كتير وشعري عادي يعني مش دهني ونفسي اعالجة انا حاليا لسه قصاة جديد ومش زعلانة عليه وهو اصلا مش بيطول خالص وخفيف جدا مثل العنكبوت مثل ما يقولون قولي لي لو تعرفي علاج او وصفة وفعلا من خفيته بيهيش جدا ولو الرش اللي حطه اسمه دة بدون وصفات يبقا لي احسن من البيض واي شيئ يكون دهان فقط وكمان اسمع ان زيت دبر أملا الاصلي اكتر من رائع استعمله مش عارفة ارجو الرد السريع

ازيك يا ايمى عامله ايه
ايه يا بنتى الاوصاف الرهيبه اللى واصفه بيها شعرك والله هتلاقيه زى الفل بس احنا اللى دايما حاسين ان ناقصنا حاجه
بصى يا ستى الاسبراى دا بستعمله بعد الحمام على طول بيدى نعومه غير عاديه - غير كمان ريحته الرائعه - كمان هو قوالى شعرى طبعا لانى دايما بستعمل الفير والسشوار وكان شعرى مدمر طبعا مع انى كنت بستعمل زيوت زى دابر املا و زى فاتيكا وبردو كنت بجيبهم الاصلى - وكمان كنت ومازلت بستعمل بالمرز كريم - ومع ذلك انا طبعا كل فتره بعمل ماسك او حمام كريم
والوصفه دى بصراحه مفيده جدا لان محتوياتها كلها مغذيه وفى كمان وصفه النخاع هتلاقيها على المنتدى هنا فى قسم الشعر
وعشان تتقلى شعرك استعملى الماسكات دى و زودى عليها زيت الخروع بمقدار معلقه كبيره لكل ماسك
وكمان لو بتستعملى حمام كريم بعد غسل شعرك او بلسم حطى على علبه الحمام كريم او عبوه البلسم عبوه زيت خروع من الصيدليه لان زيت الخروع بيتقل الشعر بس مينفعش نستعمله لوحده عشان بينشف الشعر
ولو عايزه اى حاجه قوليلى لو اعرفها هرد عليكى على طول

بصراحه يا قمر انتى اللى خليتينا كده - بجد انتى جميله

انتى اللى قمر الله ببقي سعيده لما بحس اننا قلبنا على بعض وبنساعد بعض كده يارب يكرمك وبجد تسلم ايديكى وربنا يجازيكم كلكم الف خير وتقفوا جنب بعض دايما ونبقي احلى صحبه بجد واحلى اخوات الله بتمنى جدا كلنا نبقي بنحب بعض كده علطول
ميرسي يا قمر

العفو على ايه احنا اخوات وان شاء الله نفضل قلوبنا على بعض كده دايما